Abereki, Thandizani Wana Wanu Kuti Bzinthu Bziwafambire Bwino

Abereki wakugopa Mulungu, ambafuna kuwona wana wawo ankukula acikhala atumiki wa Yahova wakukhulupirika. Abereki angathandize wana wawo kucita bzimwebzi mwa kuwapfunzisa Bibliya kuyambira ali wana. (Bzak 6:7; Mim 22:6) Kodi bzidapusa kucita bzimwebzi? Nee, bziribe kupusa thangwe bzimbafunika nyongo! Koma bzakutewera bzace bzimbaposa nyongo yomwe iwo angacite.—3Ju 4.

Abereki angapfunze zizinji na ciratizo ca Zuze na Mariya. Iwo ‘akhambayenda gole liri-lense ku Jeruzalemu ku cikondweso ca Paskwa,’ napo kucita bzimwebzi kukhafunikira nyongo na kobiri. (Lu 2:41) Bzimwebzi bzinkulatiza kuti iwo akhaikha pa mbuto yakuyamba bzakusaya bzauzimu bza banja lawo. Mwakundendemeranambo, abereki nsiku zino an’funika kutsogolera bwino wana wawo mwa kumbalokotera mpata uli-wense kuti awapfunzise mwa mafala na m’bzicito bzawo.—Psal 127:3-5.

ONANI VIDIYO YAKUTI: IWO ADALOKOTERA MPATA ULI-WENSE, MUKAMALA TAWIRANI MIBVUNZO IYI:

• Kodi Joni na Sharon Schiller adapitiriza tani kuikha bzinthu bzauzimu pa mbuto yakuyamba pomwe akhalera wana wawo?

• Thangwe ranyi abereki an’funika kupereka malango kwa wana mwakubverana na cakusaya ca mwana ali-wense?

• Kodi abereki, angakonzekerese tani wana wawo kuti adzakhale wakulimba akadzagumana na bzinthu bzomwe bzingadzayeze cikhulupiro cawo?

• Kodi ni bzinthu bziponi bzakuperekedwa na gulu lathu, bzomwe mumbabziphatisa basa kuti muthandize wana wanu kukula mwauzimu?