Kukulisa Luso Lathu Mu Utumiki-Kupalizira Azimola

THANGWE RANYI MPSAKUFUNIKA: Wanthu azinji omwe ni azimola ambakhala lini wakutsudzuka kuti alewelewe na wanthu wacirendo. Tenepo pambafunika luso kuti tiwapalizire. Yahova ambakumbukira wale omwe ni azimola. (Mwam 19:14) Ifepano tingatewezere ciratizo cace mwa kumbathandiza azimola kukhala pa uxamwali na Mulungu.

MOMWE MUNGACITIRE:

• Mbafufudzani wale omwe ni azimola. (Mat 10:11) Kodi imwepo mumbadziwa munthu munango omwe m’bodzi wa adzinza wace ni zimola? Kodi m’gawo lomwe mumbapalizira muna maxikola, nyumba za ulapi ayai mbuto zinango zomwe zina azimola omwe ambafuna mabukhu yakukonzedwera azimola?

• Khalani wa uxamwali. Kulatiza kwanu khalidwe la uxamwali, kun’dzacitisa azimola kukhala wakutsudzuka namwe. Yezerani kuyambisa maceza mwakuphatisa basa nkhani yomwe ingatokonye wanthu wa m’gawo lanu

• Perekani thandizo la uzimu. Pakufuna kuthandiza wale omwe ni azimola, ayai wale omwe ambawona lini bwino, gulu lathu limbakonza mabukhu na bzinthu bza mitundu yakusiyana-siyana kuti bziwathandize. Bvunzani ali-wentse bza njira yomwe angafune kuiphatisa basa kuti apfunze. Nyakunyang’anira utumiki an’funika kuwonesesa kuti mtumiki wa mabukhu akukumbira mabukhu ayai bzinthu bzomwe mzimola ali-wentse akufuna