Khotcererani Uxamwali Bwanu na Yahova

Mboni za Yahova zina mwayi wakupambulika kwene-kwene. Ninga Akristau wakubzipereka na wakubatizidwa, timbapitiriza kukulisa uxamwali bwathu na mbuya wathu mkululetu omwe ni Yahova. Iye adatikwewa mwa kuphatisa basa mwana wace. (Ju 6:44) Iye ambabva mipembo yathu.​—Psal 34:15.

Kodi ifepano tingakhotcerere tani uxamwali bwathu na Mulungu? Mwa kutcenkha kucita bzinthu bzakuipa ninga bzomwe Ajirayeri adacita. Patandopita nthawe pang’ono pambuyo pa kucita mpangano omwe ukhawapasa mwayi wakukhala pa uxamwali bwakupambulika na Yahova, iwo adakonza kamphulu ka oro acikanamata. (Kuf 32:7, 8; 1Wak 10:7, 11, 14) Ifepanombo tingabzibvunze tenepa: ‘Kodi nimbacita ciyani ningagumana na mayezo? Kodi bzomwe nimbacita bzimbalatiza kuti nimbakhotcerera uxamwali bwangu na Yahova?’ Lufoyi lathu kwa Yahova lin’dzatithandiza kutcenkha bzinthu bzomwe iye ambabziwenga.​—Psal 97:10.

ONANI VIDIYO YA MSOLO WAKUTI KHOTCERERANI UXAMWALI BWANU NA YAHOVA (WAKOL 3:5), MUKAMALA CITANI MIBVUNZO YAKUTEWERAYI:

• Kodi kusirira n’ciyani?

• Kodi thangwe ranyi tin’funika kutcenkha kusirira na kunamata bzifanikiso?

• Kodi ni kundendemera kuponi komwe kulipo pakati pa upombo na kunamata bzifanikiso?

• Kodi thangwe ranyi abale omwe ana maudindo mu gulu la Yahova an’funika kuwonesesa kuti akupereka bzakufunikira bzentse kwa akazi wawo?