Kampanya Yakupambulika Yakudziwisa bza Umambo bwa Mulungu Yomwe In’dzacitika mu Novembro

Jezu adadziwisa ‘bzipsa bzabwino bza Umambo bwa Mulungu.’ (Lu 4:43) Iye adapfunzisambo wanthu kupempherera Umambo bumwebu. (Mat 6:9, 10) Mu mwezi wa Novembro, ifepano tin’dzacita nyongo yakudziwisa bza Umambo bwa Mulungu. (Mat 24:14) Tenepo, citani makonzedwe kuti mudzakwanise kugumanika pa kampanyayi pa mwezi wentse. Wale omwe an’dzacita upainiya mwezi umweyu, angasankhule kudzapereka maora 30 ayai 50.

Werengerani wanthu azinji wa mu gawo lanu cinembo comwe cimbalewa bza Umambo bwa Mulungu. Pakusankhula cinembo, mbakumbukirani bzomwe wanthuwo ambadziwa kale pakulewa bza cipembedzo. Munthu angalatiza kuti akufuna kudziwa bzizinji pa ulendo bwakuyamba, musiyireni revista ya Nsanza ya Mulindiri N.° 2 2020. Mukamala citani ulendo bwakubwereza ndipo yezerani kuyambisa pfunziro la Bibibliya mwakuphatisa basa bukhu la m’Bzinthu Bzomwe Timbapfunzisira. Nthawe yasala pang’ono kuti Umambo bwa Mulungu bupfudze mautongi yentse yomwe yambabverana lini na utongi bwace. (Dan 2:44; 1Wak 15:24, 25) Ndipopa mbatilokotereni mpata umweyi kuti tilatize kukhulupirika kwathu kwa Yahova na Umambo bwace!