Timbalatiza Lufoyi Tikambathandizira Cirango ca Yahova

Kucosa munthu m’gwere kumbakhotcerera gwerero ndipo kumbalanga munthu omwe aphonya koma akukungula lini. (1 Wak 5:6, 11) Tikambathandizira pomwe Yahova akupereka cirango, timbakhala tikulatiza lufoyi. Tsono, kodi kungakhale tani kulatiza lufoyi kuthandizira cinthu comwe cimbawawa kwene-kwene kwa wentse omwe ambatokonyedwa naco kuphatanidzambo wadzinza wathu omwe wacosedwayo na wa m’komiti yakusamalira miranduyo?

Kuposa bzentse, timbalatiza lufoyi pa dzina la Yahova na pa mitemo yace yakulewa bza kucena. (1Pe 1:14-16) Ndipo timbalatizambo lufoyi kwa munthu omwe acosedwayo. Cirango napo cicikhala cakuwawa, cimbabala ‘cisapo ca mtendere, comwe ni cirungamo’ kwa wale omwe ambapfunzisidwa naco. (Waheb 12:5, 6, 11) Ifepano tikambapitiriza kucita tsantsa na omwe mbakucosedwa, ayai omwe abzicosa okha, timbakhala tikuphingiza cirango comwe Yahova ambakhala akupereka kwa iwo. Kumbukirani kuti Yahova ambalanga wanthu wace ‘na mphimo yakuthemera.’ (Jer 30:11) Tikambathandizira cirango ca Yahova na kupitiriza kucita mabasa yace, tingadikhirire kuti munthuyo angabwerere kuna baba wathu omwe ngwakudeka mtima.—Zai 1:16-18; 55:7.

ONANI VIDIYO YA MSOLO WAKUTI: PITIRIZANI KUKHALA WAKUKHULUPIRIKA NA MTIMA WAKUSAYA KUGAWANIKA, NDIPO MUKAMALA CITANI MIBVUNZO YAKUTEWERAYI:

• 

  Kodi abereki angabve tani mwana wawo akasiya Yahova?

• 

  Kodi gwere lingathandizire tani banja la omwe wacosedwayo?

• 

  Kodi ni nkhani iponi ya m’Bibliya yomwe imbalatiza kufunika kwa kukhala na lufoyi likulu kwa Yahova kuposa kwa wadzinza?

• 

  Kodi tingalatize tani kuti lufoyi lathu kwa Yahova ndikulu kuposa lomwe tinalo kwa wadzinza wathu?