Ndife Wakukonzeka Kupalizira Munthu Ali-wentse

Ninga momwe Yahova akhadalinganizira Ajirayeri, iye ambalinganizambo wanthu wace ntsiku zino kuti acite kufuna kwace. Pa dziko lentse la pantsi pana Mthambi, madera, magwere na magrupo ya apalizi yomwe yambathandiza kuti bzipsa bzabwino bzifikire wathu wentse. Ifepano timbapalizira wanthu wentse, kuphatanidzambo wanthu omwe ambalalewa bzirewedwe bzinango.—Cibv 14:6, 7.

Kodi imwepo mudakumbuka kale kupfunza cirewedwe cinango kuti muthandize wanthu kupfunza cadidi? Napo mucikhala mulibe nthawe izinji kuti mupfunze cirewedwe cinango, imwepo mungaphatise basa programa ya JW Language kuti mukonzekere ciratizo ca upalizi cakusaya kunesa. Mukamala, ciphatiseni basa mu utumiki. Imwepo mungabvembo ninga momwe Akristau wa m’magole dzana yakuyambirira adabvera. Iwo adakomedwa kwene-kwene pomwe wanthu mitundu inango adadabwa, thangwe ra kubva bzinthu ‘bzakudabwisa bza Mulungu’ m’cirewedwe cawo. —Mab 2:7-11.

ONANI VIDIYO YA MSOLO WAKUTI KHALA XAMWALI WA YAHOVA—KUPALIZIRA M’CIREWEDWE CINANGO, NDIPO MUKAMALA BVUNZANI ABVESERI KUTI:

• 

  Kodi ni pa nthawe iponi tingaphatise basa programa ya JW Language?

• 

  Kodi mbali zinango za programayi n’ziponi?

• 

  Kodi wanthu wa mu gawo lanu ambalewalewa bzirewedwe bziponi?

• Kodi mun’funika kucita ciyani penu munthu omwe ambalewalewa cirewedwe cinango akufuna kudziwa cadidi?—od-CN matsa. 100-101 ndi. 39-41