BZIPEREKENI MU UTUMIKI BWAKUMUNDA | MBAKONDWANI KWENE-KWENE MU UTUMIKI
Bvumani Thandizo la Anzanu
Yahova ambatithandiza mwakuphatisa basa abale na mpfumakazi wa ‘m’gulu’. (1Pe 5:9) Iwo angatithandize kukunda madede yomwe tingagumane nayo mu utumiki. Mwaciratizo, mpostolo Paulo pa nthawe inango adathandizidwambo na Prisila na Akila, Sila, Timotio na winango.—Mab 18:1-5.
Kodi anzanu angakuthandizeni tani mu utumiki? Iwo angakuthandizeni kudziwa bzomwe mungacite mukagumana na munthu omwe akufuna kugwatiza maceza, angakuthandizeni kuwona momwe mungacitire ulendo bwakubwereza, ayai momwe mungayambisire na kucitisira mapfunziro ya Bibliya. Kumbukirani munthu wa m’gwere mwanu omwe angakuthandizeni ndipo mukumbireni thandizo lomwe mukufunalo. Mukacita bzimwebzi, mwentsenemwe mun’dzakhala wakukondwa.—Waf 1:25.
ONANI VIDIYO YA MSOLO WAKUTI: KHALANI WAKUKONDWA PAKUPFUNZISA-WANTHU—BVUMANI THANDIZO LA YAHOVA—ABALE WATHU, MUKAMALA BVUNZANI ABVESERI KUTI:
Kodi Rita adalimbikisa tani Duminga kuti ayambe kugumanika ku mitsonkhano ya gwere?
Thangwe ranyi tin’funika kumbakumbira apalizi anzathu kuti ambakhale nafe pabodzi tikakhala tikucitisa mapfunziro ya Bibliya?
Kupfunzisa wanthu kumbandothemba lini nyongo yathu yokha, gwere lentse limbathandiza
Kodi ni bzinthu bziponi bzomwe mpfumakazi Abigail akhabzifuna bzomwe Duminga akhabzifunambo?
Kodi apalizi anzathu angatithandize kukhala na maluso yaponi mu utumiki?