Bvumani Thandizo la Yahova Mwakuphatisa Basa Mpembo

Yahova ndiye omwe ambacitisa kuti mbeu za cadidi zikhale na mizi zicikula mu mtima mwa munthu. (1Ak 3:6-9) Ndipopa, tikakhala tiri mu utumiki timbakhulupire kuti Yahova an’tithandiza ndipo an’thandizambo anyakupfunza wathu wa Bibliya.

Pembani kwa Yahova kuti athandize anyakupfunza wanu wa Bibliya kupirira mayezo na mabvuto yentse yomwe yangabwereyo. (Afi 1:9, 10) Mu mpembomo mufotokozereni comwe mukufunaco. Kumbirani mzimu wakucena kuti utsogolere makumbukidwe na bzakucita bzanu. (Lu 11:13) Apfunziseni anyakupfunza wanu wa Bibliya momwe angapempherere ndipo alimbikiseni kumbacita bzimwebzo. Mbapembani nawo pabodzi ndipo mbagumani madzina yawo mu mpembomo.

ONANI VIDIYO YA MSOLO WAKUTI MBAKONDWANI KWENE-KWENE MU UTUMIKI—BVUMANI THANDIZO LA YAHOVA—MPEMBO, MUKAMALA BVUNZANI ABVESERI KUTI:

• Kodi ni mabvuto yaponi yomwe Rita adayawona pomwe akhapfunza na Duminga?

• Kodi cinembo ca 1 Akolinto 3:6 cidathandiza tani Rita?

• Kodi bvuto lomwe Rita akhanalo lidamala tani?