“Lufoyi . . . Limbadikhirira Bzinthu Bzentse”

Thangwe rakuti tina lufoyi, timbadziwa kuti abale wathu an’cita bzinthu bzabwino. (1Ak 13:4, 7) Mwa ciratizo, m’bale akacita pikado acipasidwa cirango, timbadikhirira kuti an’bvuma cirangoco acicinja. Timbadekera mtima wanthu omwe cikhulupiro cawo camala mphanvu ndipo timbayezera kuwathandiza. (Aro 15:1) Munthu akasiya kutumikira Mulungu, timbadikhirira kuti ntsiku ibodzi an’dzabwerera.—Lu 15:17, 18.

ONANI VIDIYO YA MSOLO WAKUTI KUMBUKIRANI MOMWE LUFOYI LIMBACITIRA—LIMBADIKHIRIRA BZINTHU BZENTSE, MUKAMALA BVUNZANI ABVESERI KUTI:

• Kodi Abineri adalatiza tani kuti akhadacinja?

• Kodi Davide adacita ciyani pomwe Abineri adakumbira cinthu? Ndipo Jowabe adacitambo ciyani?

• Thangwe ranyi tin’funika kukhulupira kuti abale wathu ambafuna kucita bzabwino?