Kodi Mwakonzekera Kale Bzomwe Mun’dzacita Wanthu Akayamba Phiringu?

Pomwe cimaliziro cikufendera, ifepano timbadziwa kuti wanthu an’cita phiringu, ukapondo na nkhondo. Ndipo bzimwebzi bzinilemweratu. (Apo 6:4) Kodi tingakonzekere tani mabvuto yomwe yakubwera kutsogolo?

• Konzekerani kuti mudzakhale wakukhulupirika: Pfunzani nfundo na nkhani za m’Bibliya zomwe zingakuthandizeni kulimbisa cikhulupiro canu kwa Yahova na gulu lace, na zomwe zingakuthandizenimbo kuleka kupitira nkhani za m’dzikoli. (Mim 12:5; jr-CN matsa. 124-126 ndi. 23-24) Ino ndiyo nthawe ya kulimbisa uxamwali bwathu na abale na mpfumakazi zathu m’gwere.—1Pe 4:7, 8

• Konzekerani kuti mudzakhale wakukhotcerereka: Konzekerani kuti mudzakhale wakukhotcerereka pa nthawe yomwe mun’dzakwanisa lini kucoka pamui ndipo konzekeraniretu bzinthu bzakufunika. Ndipo konzekeranimbo bzomwe mun’dzacita mukadzafunikira kucoka pamui. Onani penu muna bzinthu bzomwe mungadzabziphatise basa kuti bzidzakukhotcerereni na kobiri. Onesesani kuti mun’dzakwanisa kudziwisa akulu bzomwe bzacitika nakuti iwo akudziwa kuti an’dzaceza namwe tani.—Zai 32:2; g17.5-CN tsa. 3-7

Pomwe phiringu likucitika pitirizani kucita bzinthu bzomwe bzimbacita mbali ya kunamata Yahova ninga kupemba, kupfunza Bibliya na kumbayenda ku mitsonkhano. (Afi 1:10) Tcenkhani kumbandofamba-famba mwakusaya mathangwe yakubveka. (Mat 10:16) Pasanimbo anzanu bzakudya na bzinthu bzinango bzomwe munabzo.— Aro 12:13.

ONANI VIDIYO YA MSOLO WAKUTI KODI NDIMWE WAKUKONZEKA KULIMBANA NA MATSOKA? MUKAMALA BVUNZANI ABVESERI KUTI:

• Kodi Yahova angatithandize tani pa nthawe yakunesa?

• Kodi tingacite ciyani kuti tibakakonzekereretu?

• Kodi tingathandize tani anzathu omwe ali pa nthawe yakunesa?