Phatisani Basa Bzomwe Bzikucitika m’Dzikoli mu Utumiki

Pomwe Jezu akhapalizira, iye akhaphatisa basa bzomwe bzikhacitika kuti apfunzise wanthu. (Lu 13:1-5) Imwepombo mungacite bzibodzi-bodzibzi kuti wanthu afunisise kubva mafala ya Umambo. Mungayambe kufotokoza nkhani ya kunesa kwa bzinthu, malengwa ya pantsi, phiringu lomwe likucitika, kumwa mankhwala ya kudzungulumwisa msolo ayai cinthu cinango. Mukamala bvunzani mbvunzo omwe un’citisa munthuyo kufuna kudziwa bzizinji. Mungabvunze kuti: “Kodi mukuwona kuti bvuto la . . . lin’dzamala?” Ayai “Kodi mukuwona kuti n’ciyani cingathandize kumalisa bvuto la . . . ?” Mukamala werengani vesi lomwe likubverana na nkhaniyo. Munthuyo akafuna kudziwa bzizinji, muwoneseni vidiyo ayai mupaseni bukhu lomwe limbacita mbali ya Bzinthu Bzomwe Timbapfunzisira. Tikacita nyongo ya kuthandiza wanthu kufuna kudziwa cadidi, tin’dzakhala tikucita “bzinthu bzentsenebzi thangwe ra mafala yabwino.”—1Ak 9:22, 23.

Kodi ni nkhani ziponi zomwe wanthu wa kwanuko ambafunisisa kuzidziwa?