Khulupirani Yahova Pomwe Mukugumana na Bvuto la Kusaya Kobiri

Tikukhala mu ntsiku zakumalizira zomwe zidadzala na mabvuto. Pomwe tikufika kuphampha kwa dzikoli, mabvuto yaniyenda yacilemweratu. Nthawe zinango ifepano tin’dzasaya bzinthu bzakufunikira pa moyo wathu. (Hab 3:16-18) Kodi n’ciyani cin’dzatithandiza bzimwebzi bzikacitika? Ifepano tin’dzafunika kupitiriza kukhulupira Mulungu wathu, Yahova. Iye adalewa kuti an’dzathandiza atumiki wace, ndipo angakwanise kutipasa bzomwe tikufunikira pa moyo wathu, napo pa nthawe zakunesa. — Sl 37:18, 19; Ahe 13:5, 6.

Bzomwe mungacite:

• Mudandaulireni Yahova kuti akutsogolereni, akupaseni nzeru na kukuthandizani pa moyo wanu.  —  Sl 62:8

• Bvumani kucita basa lomwe mukhanati kulicita kale.  —  g-CN 1/10 matsa. 8-9, makwadru

• Pitirizani kucita bzinthu bzauzimu, ninga kuwerenga Bibliya ntsiku zentse, kumbagumanika pa mitsonkhano na kumbapalizira

ONANI VIDIYO YA MSOLO WAKUTI MANGANI NYUMBA YOMWE IN’DZAPITIRIZA KUKHALA YAKULIMBA — “MUMBAKOMEDWE NA BZOMWE MUNABZO KALE PA NTHAWEYO,” MUKAMALA BVUNZANI ABVESERI KUTI:

• Kodi mabanja yanango yadagumana na mabvuto yaponi?

• Kodi cinthu cakufunika kwene-kwene pa moyo wathu n’ciponi?

• Kodi tingathandize tani wale omwe akusaya bzinthu bzakufunikira pa moyo wawo?