KUKHALA NA MOYO WACIKRISTAU
Yahova Ambatithandiza Kupirira Mabvuto
Mu ntsiku zakumalizira zino tikugumana na mabvuto mazinji. Ndipo nthawe zinango tingawone ninga kuti tingakwanise lini kuyapirira. Tsono tikapitiriza kuthemba Yahova, iye an’dzatithandiza kupirira mabvuto makulu kwene-kwene. (Zai 43:2, 4) Kodi tingacite tani bzimwebzi?
Kupemba. Tikambauza Yahova bzomwe bzikuticitisa thupo, iye an’dzatithandiza kukhala wakugwa mpfuwa na kupirira. — Afi 4:6, 7; 1At 5:17.
Mitsonkhano. Ntsiku zino mpsakufunika kwene-kwene kumbapfunza mabukhu yakufotokoza bza Bibliya na kumbaceza na abale na mpfumakazi zathu pa mitsonkhano. (Ahe 10:24, 25) Tikambakonzekera mitsonkhano na kumbatawira pa mitsonkhanoyo, Yahova ambatithandiza na mzimu wace wakucena. —Apo 2:29.
Kupalizira. Kucita nyongo pa basa la kupalizira kumbatithandiza kuleka kumbandokumbukira bzinthu bzakuipa bzomwe bzikucitika m’dzikoli. Ndipo kumbatithandizambo kulimbisa uxamwali bwathu na Yahova pabodzi na anzathu. — 1Ak 3:5-10.
ONANI VIDIYO YA MSOLO WAKUTI YAHOVA AN’DZAKUTHANDIZANI, MUKAMALA BVUNZANI ABVESERI KUTI:
N’ciyani cidathandiza Malu kupitiriza kukhala pa uxamwali bwakulimba na Yahova pomwe akhagumana na mabvuto?
Kodi mafala ya pa Salimo 34:18 yadatsangalaza tani Malu, ndipo yangatitsangalazembo tani tikagumana na mabvuto?
Kodi bzomwe bzidacitikira Malu bzikulatiza tani kuti Yahova ambatipasa “mphanvu yakuposa yacibadwa” tikakhala tikugumana na mabvuto? — 2Ak 4:7