KUKHALA NA MOYO WACIKRISTAU

N’ciyani Comwe Mun’dzacita Mukadzagumana na Bvuto Lakusaya Kobiri?

Ifepano timbadabwa lini na mabvuto yakusaya kobiri yomwe yambacitika m’dzikoli. Thangwe ranyi? Thangwe tikukhala mu ntsiku zakumalizira ndipo Bibliya limbaticenjeza kuti ‘tileke kuikha cidikhiro cathu pa cuma cakusaya kuthembeka.’ (1Ti 6:17; 2Ti 3:1) Kodi ni mabvuto yaponi yomwe Mambo Jewosafati adagumana nayo, ndipo ifepano tingacite ciyani kuti tikonzekere tikadzagumana na bvuto la kusaya kobiri?

Pomwe anyamadulanthaka wa Jewosafati adabwera kudzamenyana naye, iye adathemba Yahova. (2Nkha 20:9-12) Iye adacita ciri-centse kuti akhotcerere mzindayo mwa kumanga pomwe litsito na kuikhambo alindiri. (2Nkha 17:1, 2, 12, 13) Tikakhala tikugumana na mabvuto tin’funikambo kuthemba Yahova ninga momwe Jewosafati adacitira.

KODI TINGAKONZEKERE TANI BVUTO LAKUSAYA KOBIRI?

Konzekerani mwauzimu: Mbatendani bzinthu bzomwe imwepo munabzo ndipo mbakhulupirani kuti Yahova an’kwanisa kukupasani bzomwe imwepo mukufunikira. (Mat 6:26; 1Ti 6:8) Lekani kubvuma kuti bzinthu bzakuthupi bzikutaziseni kuteweza mitemo ya m’Bibliya. (Aro 2:21) Cezeranani momwe mungadzapitirizire kuwerenga Bibliya na mabukhu yathu pakadzakhala palibe maluju ayai interneti. Koyaniletu mabukhu manango ndipo, penu mpsakukwanisika, mungayabaxari pa saite yathu.

Konzekerani mwakuthupi: Tcenkhani kukhala na mangawa ndipo lekani kugula bzinthu bzakusaya kufunikira pomwe muna kobiri. (Mim 22:7) Penu mpsakukwanisika, koyani cakudya cakukwanira na bzinthu bzinango bzakufunikira. Winango ambacita bzimwebzi mwa kukhala na dimba la muliwo. Ndipo bzimwebzi bzimbawathandiza kuti aleke kudzonga kobiri.

ONANI VIDIYO YA MSOLO WAKUTI KODI NDIMWE WAKUKONZEKA KULIMBANA NA MATSOKA YACILENGWEDWE?, MUKAMALA BVUNZANI ABVESERI KUTI:

Bzithunzi-thunzi bza mu vidiyo yakuti “Kodi Ndimwe Wakukonzeka Kulimbana na Matsoka Yacilengwedwe?” Pana Bibliya, pasta, telefoni na wanthu omwe ambacita basa lakumanga-manga.

Kodi tingakonzekere tani malengwa ya pantsi?

Your answer

Bzithunzi-thunzi bza mu vidiyo yakuti “Kodi Ndimwe Wakukonzeka Kulimbana na Matsoka Yacilengwedwe?” Abale akuthandiza wale omwe agwedwa na malengwa ya pantsi mwa kumanga nyumba zomwe zadzongeka na kubulusa bzinthu m’karo.

Kodi tingakonzekere tani kuti tidzathandize anzathu?

Your answer