29 JULHO–4 AGOSTO

• Sl 69:30, 31 — Kodi mavesiya yangatithandize tani kuti timbacite bwino mipembo yathu? (w99 15/1 tsa. 18 ndi. 11)

  Mtawiro wanu

• Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?

  Mtawiro wanu

Mu Janeiro 2009, Pfunziro la Bibliya la Gwere lidaphatanidzidwa na Xikola ya Utumiki bwa Mulungu na Mtsonkhano wa Basa kuti bzimbacitidwe pa mtsonkhano wa pakati pa sumana. Bzimwebzi bzidacitisa kuti mabanja yambakhale na ndondomeko yawo-yawo pa usiku bubodzi kuti yambacite kunamata kwa pa banja. Azinji adatenda kwene-kwene makonzedwe yamweya thangwe yambawathandiza kukhala pa uxamwali bwakulimba na Yahova na kukhalambo wakubverana. — Deu 6:6, 7.

Kodi ni malango yaponi yomwe yangathandize misolo ya mabanja kuti imbacite Kunamata kwa pa Banja nthawe zentse?

• Mbacitani nthawe zentse. Khalani wakukonzeka kucinja ntsiku yomwe mumbacita kunamata kwanu kwa pa banja, pakakhala pacitika cinthu cinango cakusaya kudikhiririka

• Mbakonzekerani. Mbabvunzani akazi wanu ndipo nthawe zinango mbatetekeranimbo bzomwe wana wanu angalewe. Kukonzekerako kun’funika lini kumala nthawe ikulu, maka-maka bzikakhala kuti banjalo limbafuna kucita bzinthu bzibodzi-bodzi

• Mbacinjani ndondomeko yanu. Pomwe wana akukula, bzomwe iwo ambafunikira na kabvesesedwe kawo ka bzinthu bzimbacinja. Tenepo, ndondomeko yanu in’funika kuthandiza munthu ali-wentse wa m’banja mwanu kulimbisa uxamwali bwace na Yahova

• Mbacitisani kuti kunamata kwanu kwa pa banja kukhale kwakudekeza. Nthawe zinango bzikakwanisika, mbapfunzirani panja. Pomwe mukupfunzapo mbapumani pang’ono bzikafunikira. Napo kuti mpsakufunikira kucezerana bza mabvuto yomwe wana wanu akugumana nayo, lekani kumbaphatisa basa kunamata kwa pa banja kuti muwakalipire ayai kuwalanga

• Mbacinja-cinjani momwe mumbacitira kunamata kwanu kwa pa banja. Mwa ciratizo, pa kunamata kwanu, imwepo mungambakonzekere mbali inango ya pa mitsonkhano, kuwona na kucezerana vidiyo ya mu jw.org na kukonzekera bzomwe mungakalewe mu utumiki. Napo kuti kucezerana bzomwe tikupfunza pa Kunamata kwa pa Banja n’kwakufunika, koma mpsakufunikambo kuti pakhale na nthawe yakuti munthu ali-wentse wa m’banjamo afotokoze bzomwe apfunza pa pfunziro lace la payekha

Cezeranani mbvunzoyu:

• Kodi n’ciyani comwe imwepo mumbacita kuti muphatise basa malango yamweya pa kunamata kwanu kwa pa banja?

  Mtawiro wanu