5-11 AGOSTO

MASALIMO 70-72

Nyimbo 59 na Mpembo | Mafala Yakufungulira (mph. 1)

CUMA CA M’FALA LA MULUNGU

1. “Nin’dzauza M’badwo wa Kutsogolo” bza Boko Lamphanvu la Mulungu

(mph. 10)

Pomwe Davide akhali tswaka adawona kuti Yahova akhamukhotcerera (Sl 71:5; w99 1/9 tsa. 18 ndi. 17)

Pomwe Davide akhadakalamba adawona kuti Yahova akhamuthandiza (Sl 71:9; g04 8/10 tsa. 23 ndi. 3)

Davide adalimbikisa maswaka mwa kuwauza bzomwe bzikhadamucitikira pa moyo wace (Sl 71:17, 18; w14 15/1 tsa. 23 ndi. 4-5)

Banja lomwe lidalatizidwa mu nkhani ya sumana idamala ya msolo wakuti “Bzinthu Bzomwe Bzingatithandize pa Kunamata kwa pa Banja.” Iwo akucita kunamata kwa pa banja na banja lacikulire ndipo akutetekera mwatceru pomwe banjalo likufotokoza bza mbiri ya moyo wawo.

BZIBVUNZENI KUTI: ‘Kodi ni m’bale uponi omwe akhala akutumikira Yahova kwa magole mazinji omwe ndikufuna kudzaceza naye pa Kunamata Kwathu kwa pa Banja?’

2. Cuma Cauzimu

(mph. 10)

Sl 72:8 — Kodi piciro lomwe Yahova adauza Abalahamu pa Genesesi 15:18 lidakwanisika tani pomwe Mambo Salomau akhatonga? (it-1 tsa. 768)

Mtawiro wanu
Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?

Mtawiro wanu

3. Kuwerengedwa kwa Bibliya

(mph. 4) Sl 71:1-24 (th pfunziro 5)

BZIPEREKENI MU UTUMIKI BWAKUMUNDA

4. Kuyambisa Maceza

(mph. 3) NYUMBA NA NYUMBA. Munthu akayamba kunesana namwe, malisani macezayo mu njira yabwino. (lmd pfunziro 4 nfundo 5)

5. Kucita Ulendo Bwakubwereza

(mph. 4) UPALIZI BWAKUSAYA KULINGANIZIDWA. Pitirizani kuceza na wadzinza wanu omwe akuzeza kupfunza Bibliya. (lmd pfunziro 8 nfundo 4)

6. Kufotokoza Bzomwe Mumbakhulupira

(mph. 5) Nkhani. ijwfq 49-CN — Msolo: Thangwe Ranyi Mboni za Yahova Zidacinja Bzinthu Bzinango Bzomwe Zikhakhulupira? (th pfunziro 17)

KUKHALA NA MOYO WACIKRISTAU

Nyimbo 76

7. Bzomwe Mungacite pa Kunamata kwa pa Banja

(mph. 15) Nkhani yakucezerana.

Banja lomwe lalatizidwa pakuyamba lire lidaima ndipo likukonzekera nyimbo za Umambo.

Banjalo likuwona programa ya JW Broadcasting.

Mwana m’bodzi wacikazi wa m’banjamo akutawira mai wace pa nthawe ya Kunamata kwa pa Banja.

Kunamata kwa pa Banja ni nthawe yakufunika kwene-kwene yomwe wana ‘ambalangidwa na kupfunzisidwa mwakubverana na kufuna kwa Yahova.’ (Aef 6:4) Kupfunza kumbafuna nyongo, koma kungakhale kwakudekeza maka-maka bzikakhala kuti wanawo akufunisisa kudziwa cadidi ca m’Bibliya. (Ju 6:27; 1Pe 2:2) Onani kwadru yakuti “Bzomwe Mungacite pa Kunamata kwa pa Banja” yomwe ingathandize abereki kuti ambacitise kuti Kunamata kwa pa Banja kumbakhale kwa phindu na kwakudekeza, ndipo cezeranani mibvunzoyi:

Kodi ni nfundo ziponi zomwe mukufuna kuziphatisa basa?

Mtawiro wanu
Kodi pana cinthu cinango cakuthumizirika comwe mwawona kuti cingakuthandizeni?

Mtawiro wanu

BZOMWE MUNGACITE PA KUNAMATA KWA PA BANJA

BIBLIYA:

Tetekerani audiyo ya kuwerengedwa kwa Bibliya ya pa sumana ayai werengani mwakukuwa. Munthu ali-wentse wa m’banjamo angabawerenge mafala ya munthu m’bodzi wa m’Bibliya
Mbakonzekerani mibvunzo yomwe ikubverana na kuwerengedwa kwa Bibliya kwa pa sumana. Kumbirani wanthu wa m’banja mwanu kuti ali-wentse asankhule mbvunzo m’bodzi acikafufudza. Patsogolo pace acidzalewa bzomwe apfunza
Citani mbvunzo ayai cezeranani nkhani inango ndipo patsogolo pace fufudzani mitemo yakucokera m’Bibliya yomwe imbagumanika mu Malango Yakucokera m’Fala la Mulungu
Citani ciratizo cakuyezezera ca nkhani inango ya m’Bibliya
Mbanembani vesi libodzi la m’Bibliya sumana iri-yentse, ninga mavesi yomwe yali pa Nkhani Zakuthumizira A mu broxura lakuti Mbafunani Wanthu — Ndipo Apfunziseni, patsogolo pace yezerani kulikoya mu msolo vesiro. Mbawonani bzomwe mudanemba sumana za m’mbuyo
Pfunzani mbali ibodzi ya m’bukhu lakuti Khalani na Moyo Wakukondwa Mpaka Kale-kale!
Sankhulani munthu m’bodzi wa m’banja lanu kuti afotokoze relatoriyo ya nkhani ibodzi yomwe imbagumanika pa mbali zakusiyana-siyana zakuti “Mitawiro ya Mibvunzo Yakulewa bza Bibliya” yomwe imbagumanika pa MAPFUNZISO YA M’BIBLIYA mu jw.org

MITSONKHANO:

Konzekerani mbali ibodzi ya mitsonkhano ya gwere
Konzekerani ndipo yezezerani kuti mukutawira. Pomwe mukucita bzimwebzo, mbawonani nthawe
Mbakonzekerani nyimbo za Umambo
Konzekerani momwe mungalimbisire munthu m’bodzi pomwe mitsonkhano ikanati kuyamba ayai pomwe yamala
Konzekerani mbali yomwe m’bodzi wa m’banja mwanu an’dzakhala nayo pa mitsonkhano ya pakati pa sumana

UTUMIKI:

Konzekerani momwe mungacitire upalizi bwa nyumba na nyumba
Konzekerani momwe mungacitire ulendo bwakubwereza
Yezerani kukumbukira kuti mukucita upalizi mwakusaya kulinganizidwa ndipo citani ciratizo ca momwe mungayambisire maceza mwa uxamwali
Cezeranani bzomwe imwepo mungadzacite kuti mudzakwanise kucita bzizinji pa nthawe ya Cikumbuso, pa nthawe yomwe mukupuma ku basa ayai ku xikola

BZOMWE BANJA LIKUFUNIKIRA:

Citani bziratizo bza nkhani zomwe zikucitika na zomwe zingadzacitike kutsogolo ninga nkhani za ndale, kugopswedwa, umakhadzi ayai kusekerera ntsiku za firiyado
Citani ciratizo comwe wana ndiwo anicita bzomwe abereki wawo ambacita. Wana ndiwo anifufudza nkhani ndipo patsogolo pace anicezerana na abereki wawo

BZINTHU BZINANGO BZOMWE MUNGACITE:

Onani ndipo cezeranani vidiyo ya JW Broadcasting^®
Werengani nkhani ayai onani vidiyo mu jw.org, ndipo patsogolo pace cezeranani
Cezerani nkhani yakuti “Maswaka” ayai “Wana” yomwe iri pa mbali yakuti MAPFUNZISO YA M’BIBLIYA mu jw.org
Onani pomwe bzomwe mudanemba pa mtsonkhano wa cigawo ayai wa dera
Onani ayai fufudzani cinthu ca m’cirengedwe ndipo cezeranani bzomwe cinthuco cikukupfunzisani pakulewa bza Yahova
Nthawe zinango, mbacemerani munthu kumui kwanu ndipo mbamucitani mibvunzo
Khalani na bzakulinga bzauzimu ndipo cezeranani momwe mungabzikwanirisire
Mbacitani bzinthu pabodzi ninga kudezenyari mapa na bzinthu bzinango

Latizani VIDIYO yakuti Pitirizani Kumbacita Bwino Kunamata Kwanu kwa pa Banja. Mukamala bvunzani abveseri kuti:

Kodi mwamuna angacitise tani kuti kunamata kwa pa banja kukhale kwakudekeza kwa mkazi wace pomwe pamui palibe wana?

Mtawiro wanu

8. Pfunziro la Bibliya la Gwere

(mph. 30) lfb pfunziro 33