15-21 SETEMBRO

MIMWANI 31

Nyimbo 135 na Mpembo | Mafala Yakufungulira (mph. 1)

CUMA CA M’FALA LA MULUNGU

Mai akuceza na mwanace mwalufoyi pomwe iwo adakhala pa sofa.

1. Bzomwe Tingapfunze na Malango Yomwe Mai Akupasa Mwanace

(mph. 10)

Pfunzisani wana wanu momwe Yahova ambayawonera malume ya pamphasa na malowozi (Mim 31:3, 10; w11 1/2 tsa. 19 ndi. 7-8)

Pfunzisani wana wanu kuti ambawone bzakumwa bzakuledzeresa ninga momwe Yahova ambabziwonera (Mim 31:4-6; ijwhf nkhani 4 ndi. 11-13)

Pfunzisani wana wanu kuti ambathandize wanthu ninga momwe Yahova ambacitira (Mim 31:8, 9; g17.6 tsa. 9 ndi. 5)

2. Cuma Cauzimu

(mph. 10)

Mim 31:10-31 — N’ciyani comwe cidathandiza Ajirayeri kuti ambakoye mavesi ya m’Bzinembo Bzacihebereu? (w92 1/11 tsa. 11 ndi. 7-8)

Mtawiro wanu
Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?

Mtawiro wanu

3. Kuwerengedwa kwa Bibliya

(mph. 4) Mim 31:10-31 (th pfunziro 10)

BZIPEREKENI MU UTUMIKI BWAKUMUNDA

4. Kuyambisa Maceza

(mph. 3) UPALIZI BWAKUSAYA KULINGANIZIDWA. Yambisani maceza na munthu omwe walewa ayai wacita cinthu cabwino. (lmd pfunziro 5 nfundo 3)

5. Kuyambisa Maceza

(mph. 4) NYUMBA NA NYUMBA. Fotokozani nkhani ibodzi ya “Cadidi ca m’Bibliya Comwe Timbafuna Kupfunzisa” yomwe iri pa nkhani zakuthumizira A mu ka broxura kakuti Mbafunani Wanthu. (lmd pfunziro 1 nfundo 4)

6. Kucita Ulendo Bwakubwereza

(mph. 5) NYUMBA NA NYUMBA. Cemerani munthu omwe wabvuma Ntsanza ya Mulindiri N.° 1 2025 kuti adzatetekere nkhani yakupambulika yomwe in’dzafotokozedwa. (lmd pfunziro 7 nfundo 4)

KUKHALA NA MOYO WACIKRISTAU

Nyimbo 121

7. Thandizani Wana Wanu Kuphatisa Basa Bwino Mitcini Yanzeru

(mph. 8) Nkhani yakucezerana.

Kodi imwepo mudawona kale mwana akuphatisa basa telefoni ayai tableti? Kwa iwo bzimbakhala bzakupusa kuphatisa basa mitcini yanzeru! Kazinji-kazinji, iwo ambadziwa kale kuiphatisa basa okha. Napo bziri tenepo, ambafunikira thandizo kuti adziwe momwe angaiphatisire basa mwanzeru. Penu imwepo ndimwe m’bereki, kodi mungathandize tani mwana wanu kuti ambaphatise basa bwino mitcini yanzeru?

Cithunzi-thunzi ca mu vidiyo yakuti “Mbaphatisani Basa Bwino Nthawe Yanu.” Sofiya akutinya tableti yace ku praya ndipo akuluza kuwona ntsomba yomwe ikusenzeka na bola.

Latizani VIDIYO yakuti Mbaphatisani Basa Bwino Nthawe Yanu. Mukamala bvunzani abveseri kuti:

Thangwe ranyi mpsabwino kukhazikisa malire pakuphatisa basa mitcini yanzeru?

Mtawiro wanu
Kodi tin’funika kupambula nthawe kuti timbacite bzinthu bzinango bziponi?

Mtawiro wanu

Pomwe mukukhazikisa malamulo m’banja mwanu mbaphatisani basa mitemo ya m’Bibliya sikuti bzomwe abereki winango ambacita. (Aga 6:5) Bzibvunzeni kuti:

Kodi mwana wangu ngwakubziretsa ndipo walatiza kuti angakwanise kuphatisa basa ntcini wangu wanzeru mwakuti angakwanisembo kukhala na wace? — 1Ak 9:25
Kodi nin’funika kulekerera kuti mwana wangu aphatise basa mitcini yanzeru pomwe iye ali yekha? — Mim 18:1
Ni aplikativo ziponi ayai webisaite ziponi zomwe nin’funika kulekerera kuti mwana wangu apite, ndipo n’ziponi zomwe nin’funika lini kumulekerera? — Aef 5:3-5; Afi 4:8, 9
Kodi nin’funika kulekerera kuti iye ambaphatise basa ntcini wanzeru kwa nthawe itali tani kuti ambakhalembo na nthawe ya kucita bzinthu bzinango bzakufunika? — Mpa 3:1