22-28 SETEMBRO

MPALIZI 1-2

Nyimbo 103 na Mpembo | Mafala Yakufungulira (mph. 1)

CUMA CA M’FALA LA MULUNGU

1. Pitirizani Kupfunzisa M’badwo wa Kutsogolo

(mph. 10)

[Latizani VIDIYO ya Nfundo Zakuthandiza Kubvesesa Bukhu la Mpalizi.]

Tin’funika kupfunzisa winango (Mpa 1:4; w17.01 tsa. 27 ndi. 3-4)

Tikambapfunzisa winango na kumbawapasa mabasa yakusiyana-siyana timbawathandiza kukhala wakukondwa pakutumikira Yahova (Mpa 2:24)

M’bale mkulu wacitswaka akutsogolera Pfunziro la “Ntsanza ya Mulindiri” pomwe m’bale wacikulire omwe akuwerenga akumunyang’anisisa mwakukondwa. — Lekani kusiya kupfunzisa winango mucikumbuka kuti angadzacitembo basa lomwe imwepo mumbalifuna

2. Cuma Cauzimu

(mph. 10)

Mpa 2:11 — Kodi n’ciyani comwe Salomau adapfunza na nkhani ya kuphata basa na nyongo kuti agumane bzinthu bzizinji? (w18.12 tsa. 19 ndi. 14)

Mtawiro wanu
Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?

Mtawiro wanu

3. Kuwerengedwa kwa Bibliya

(mph. 4) Mpa 1:1-18 (th pfunziro 11)

BZIPEREKENI MU UTUMIKI BWAKUMUNDA

4. Kuyambisa Maceza

(mph. 2) UPALIZI BWAKUSAYA KULINGANIZIDWA. Yezerani kuzindikira nkhani yomwe ingadekere munthuyo. Citani makonzedwe kuti mudzaceze pomwe naye. (lmd pfunziro 3 nfundo 5)

5. Kuyambisa Maceza

(mph. 2) UPALIZI BWA PADECA. Fotokozani nkhani ibodzi ya “Cadidi ca m’Bibliya Comwe Timbafuna Kupfunzisa” mwa kuphatisa basa njira zomwe zimbagumanika mu nkhani zakuthumizira A mu ka broxura kakuti Mbafunani Wanthu. (lmd pfunziro 2 nfundo 3)

6. Kucita Ulendo Bwakubwereza

(mph. 2) UPALIZI BWAKUSAYA KULINGANIZIDWA. Tawirani mbvunzo omwe munthuyo adaucita pa ulendo bwakuyamba. (lmd pfunziro 9 nfundo 5)

7. Kucitisa Pfunziro

(mph. 5) UPALIZI BWA PADECA. Latizani momwe timbacitira pfunziro la Bibliya, ndipo citani makonzedwe kuti mudzapitirize na pfunzirolo. (lmd pfunziro 10 nfundo 3)

KUKHALA NA MOYO WACIKRISTAU

Nyimbo 84

8. Bzinthu Bzitatu Bzakufunika pa Nkhani Yakupfunzisa

(mph. 15) Nkhani yakucezerana.

Bzithunzi-thunzi: Abale akupfunzisa winango mu njira zakusiyana-siyana. 1. M’bale akupfunzisa mpfumakazi momwe ingaphatisire basa cakugwatira matabwa ca maluju pa basa la bzakumanga-manga. 2. M’bale wacikulire akunyang’anisisa m’bale wacitswaka omwe akukonzekera nkhani yace mu Nyumba ya Umambo yomwe iribe wanthu. M’bale wacikulireyo adaphata ka broxura kakuti “Kulisani Luso Lanu la Kuwerenga na Kupfunzisa.” 3. M’bale akupfunzisa m’bale munango wacitswaka momwe angacinjire mapidya ya mikrofoni. 4. Pai na wana wace akuthandizira kucenesa Nyumba ya Umambo. Paiyo pabodzi na mwanace mkulu akucosa pfumbi pomwe mwana wace ng’ono akupukuta pulatifomu mwakuphatisa basa ka nguwo. — Lufoyi limbaticitisa kuti tipfunzise winango kuti akwanise kucita basa lomwe Yahova adatipasa

M’Bibliya muna bziratizo bzabwino bzomwe bzimbatipfunzisa momwe tingapfunzisire winango. Tingapfunze bzizinji na momwe Samuyeri adapfunzisira Sauli, momwe Eliya adapfunzisira Elizeu, momwe Jezu adapfunzisira anyakupfunza wace na momwe Paulo adapfunzisira Timotio. Kulewa cadidi, Yahova ni mpfunzisi mkulu pa apfunzisi wentse. Kodi tingapfunze ciyani na ciratizo cace?

Latizani VIDIYO yakuti Tewezerani Yahova Omwe ni Mpfunzisi Wakulungama (Ju 5:20) — Cipande. Mukamala bvunzani abveseri kuti:

Kodi ni bzinthu bzitatu bziponi bzomwe tingapfunze na Yahova ninga mpfunzisi?

Mtawiro wanu

9. Pfunziro la Bibliya la Gwere

(mph. 30) lfb pfunziro 20-21