Kudezenyari Kun’dzakuthandizani Kukumbukira

Ninga momwe bzimbacitikira na azinji wa ifepano, pinango imwepo bzimbakunesanimbo kukumbukira bzomwe mwapfunza. Tsono mpsakupusa kukumbukira bzomwe Jezu adapfunzisa thangwe rakuti iye adaphatisa basa bziratizo. Kukumbukira bziratizo bzomwe Jezu adabziphatisa basa kumbatithandiza kuti tileke kuyebwa bzomwe iye adapfunzisa. Mwakundendemerana na bzimwebzi, imwepo mungambakumbukire bzomwe mwapfunza mukambadezenyari bzithunzi-thunzi bza bzomwe mwapfunzabzo.

Wanthu omwe ambadezenyari bzithunzi-thunzi bza bzomwe apfunza ambakwanisa kukumbukira bwino-bwino bzomwe apfunzabzo. Kudezenyariko kumbandowathandiza lini kubvesesa mafala basi, koma kumbawathandizambo kubvesesa nfundo zomwe akupfunza. Bzithunzi-thunzibzo bzin’funika lini kukhala bzakudeka kwene-kwene. Kudezenyari kumbathandiza maka-maka acikulire kuti ambakumbukire bzomwe akupfunza.

Pa nthawe inango yomwe mun’dzakhala mukupfunza, dzayezereni kudezenyari bzinthu bzinango bzomwe mwapfunza. Mukacita bzimwebzi, imwepo mun’dzakwanisa kukumbukira bzomwe mwapfunzabzo!