Kulewalewa mwa Uxamwali

1 Watesalonika 2:7, 8

BZOMWE MUNGACITE: Alatizeni abveseri wanu kuti mumbawafuna, ndipo mun’funa kuwathandiza.

MOMWE MUNGACITIRE:

• Akumbukireni abveseri wanu. Konzekeresani mtima wanu mwa kumbakumbukira mabvuto yomwe abveseri wanuwo ankugumana nayo. Ndipo yezerani kukumbukira momwe iwo ambatokonyedwera na mabvutoyo.

• Sankhulani mafala yanu mwakusamala. Mbalingani kulimbisa na kutsangalaza abveseri wanu. Tcenkhani kuphatisa basa mafala yomwe yangawasunamise, ndipo lekani kumbanyoza bzikhulupiro bza wanthu omwe ambatumikira lini Yahova.

• Latizani thupo kwa abveseri wanu. Mabvekedwe ya fala lanu na majesto yanu bziratize kuti munkucita nawo thupo abveseri wanuwo. Nkhope yanu imbalatize kuti munkucita nawo thupo, ndipo mbamwetukirani kawiri-kawiri.