Kulewalewa Bzinthu Bzakubveseseka

1 Wakolinto 14:9

BZOMWE MUNGACITE: Thandizani abveseri wanu kubvesesa bwino-bwino thandauzo la nkhani yanu.

MOMWE MUNGACITIRE:

• Konzekerani nkhani yanu mwakukwanira. Ibveseseni bwino-bwino nkhani yanuyo kuti mukaifotokoze mu njira yakusaya kunesa kubvesesa na m’mafala yanu-yanu.

• Phatisani basa mafala yakucepa na yakusaya kunesa kubvesesa. Napo kuphatisa basa mafala mazinji kulibe kuipa, mbaphatisani basa mafala yakucepa kuti mulatize nfundo zikulu-zikulu.

• Mbafotokozani mafala yakusaya kudziwika. Lekani kumbaphatisa basa kwene-kwene mafala yomwe njacirendo kwa abveseri wanu. Mukafuna kuphatisa basa mafala yacirendo, ayai mukafuna kulewa bza munthu omwe ambafotokozedwa m’Bibliya, kapimidwe ka bzinthu ayai miyambo yakale, mbabzifotokozani kuti bzibveseseke, m’mbuto mwakundobziguma.