Kampanya Yakucemerera Wanthu ku Cikumbuso Iniyamba pa 22 Março

Gole lino kampanya yathu yakucemerera wanthu kuti wadzagumanike pa Cikumbuso iniyamba pa nsiku 22 Março. Wense wankulibisidwa kuti wadzacite mbali. Kumamaliziro ya mdzinga tin’dzagawirambo marevista pomwe bzikafunika. Pa nsiku ya Malinkhuma yakuyamba ya mwezi wa Abril, m’mbuto mwa kuyambisa mapfunziro ya Bibliya, tin’dzagawira tsamba la mcemo. Tsono, tikagumana munthu wakucita kaso kwene-kwene, tingadzayezere kuyambisa pfunziro la Bibliya. Bzina nyakunyang’anira utumiki kuwona penu kupereka tsamba la mcemo m’mbuto zapadeca ndiko kungathandize gwere kufikira wanthu wazinji wa m’gawo lawo. Nembaniretu tsapanopa madzina ya wadzinza, anzanu wa kubasa, anzanu wa ku xikola, maulendo yakubwereza na womwe mumbadziwana nawo, womwe mun’funa kudzawapasa tsamba la mcemoyo kampanya ikadzayamba. Tin’dikhira kuti wazinji wan’dzabwera kudzakumbukira nafe pabodzi lufoyi likulu la Mulungu na Jezu.​—Juwau 3:16; 15:13.