Phatisani Basa Webisaite Yathu Muutumiki—“Perguntas Bíblicas Respondidas”

Mbali za “Ensinos Bíblicos” za mu Webisaite ya jw.org zina nkhani zakucemeredwa kuti “Perguntas Bíblicas Respondidas.” Tikazolowerana na mibvunzo yakucitidwa kawiri-kawiriyo, tingatsogolere mweneciro nyumba ku Webisaite yathu kuti agumane mitawiro yakucokera mu Bibliya pa mbvunzo wace. Mibvunzoyo tingaiphatisembo basa pa kuyambisa kucezerana mu utumiki. Tingasankhule mbvunzo womwe wanthu wangafune kubvesesa mu gawo lathu, ndipo tingabvunze mweneciro nyumba kuti alewe bzomwe ankukumbuka, ticimuuza bzomwe Bíbliya limbalewa, mwa kuphatisa basa jw.org. Patsogolo pace, tingamufotokozere ayai tingamulatize komwe timbagumana nfundo zathu. Njira inango ndiyo kumuleka acite kuwerengeratu yekha mitawiro mu Webisaitimo. Mkazi wa nyakunyang’anira wa dera ambagumana phindu mwa kulewa kuti: “Wanthu azinji wambabzibvunza kuti, ‘Kodi Mulungu ndiye ambacitisa kubonera kwathuku?’ Mungafune kudziwa mtawiro wace tsapanopa mu tumphindi 51 tokha?” Pambuyo pace iye ambamubvesa mbali ya mtawiro wakucosedwa mu Webisaite yathuyi mu mu mtcini wace wanzeru wa m’manja. Iye ambamaliza mwa kuyamba naye msolo 11 wa bukhu la Baibulo Limaphunzitsa Chiyani.