“Ndiri Pano Ine! Nditumizeni!”

Zaiya akhana mzimu wakubzipereka, omwe ngwakuthemera kuutewezera. Iye akhana cikhulupiro ndipo adabzipereka kuti acite basa lomwe likhafunika, napo akhadziwa lini kuti basalo likhali liponi. (Zai 6:8) Ninga Zaiya, kodi imwepo mungacinje bzinthu bzinango pa moyo wanu, kuti mukatumikire ku dera lomwe linkufunikira apalizi? (Psal 110:3) N’cadidi kuti bzingafunike kuyamba mwakhala pansi kuti muwone penu mungakwanise kucita bzimwebzo. (Lu 14:27, 28) Koma napo bziri tenepo, bziperekeni, mucicita bzomwe mungakwanise kuti muthandizire basali. (Mat 8:20; Mar 10:28-30) Ninga momwe tawonera m’vidiyo yakuti: Kuyenda Kukatumikira Komwe Kunkufunikira Thandizo la Apalizi, mukacita bzimwebzo mun’dzatambira bzisimbo bzizinji kuposa bzomwe munabzo tsapano.

PAMBUYO PAKUWONA VIDIYOYO, TAWIRANI MIBVUNZO IYI:

• Kodi ni bzinthu bziponi bzomwe banja la m’bale Williams lidacita kuti likwanise kukatumikira ku Equador?

• Kodi banjali, lidakumbukira bzinthu bziponi pomwe likhasankhula mbuto yomwe likhafuna kuyenda kukatumikira?

• Kodi ni bzisimbo bziponi bzomwe iwo adatambira?

• Kodi n’kuponi komwe mungagumane cidziwiso cakuthumizirika pakulewa bza kukatumikira komwe kunkufunikira apalizi?

PA KUNAMATA KWANU NINGA BANJA, DZACEZERANENI MIBVUNZO IYI:

• Kodi tingathumizire tani utumiki bwathu ninga banja? (km-CN 8/11 matsa. 4-6)

• Penu tin’kwanisa lini kuyenda ku gawo lomwe linkufunikira apalizi, kodi tingathandizire tani gwere lathu? (w16.03-CN matsa. 23-25)