Kuyenda Kukatumikira Komwe Kukufunikira Thandizo

Pambafunika cikhulupiro kuti ticoke komwe timbakhala ticiyenda ku mbuto inango komwe kukufunikira apalizi azinji. (Ahe 11:8-10) Penu muna cakulinga cakuyenda komwe kukufunikira thandizo, cezani na akulu wa m’gwere mwanu. Kodi ni bzinthu bziponi bzomwe mungacite kuti mudziwe penu mungakwanise kuyenda komwe mun’funa kuyendako? Werengani nkhani zomwe zimbalewa bza kutumikira komwe kukufunikira thandizo. Cezani na abale omwe adayenda kale kukathandiza gwere linango. (Mim 15:22) Pembani kwa Yahova ndipo mukumbireni kuti akupaseni nzeru. (Tiy 1:5) Yezerani kuidziwa mbutoyo pomwe mukanati kuyenda kukakhala kumweko. Pinango mungayende kumweko kuti mukawone kuti kudakhala tani.

ONANI VIDIYO YA MSOLO WAKUTI PITANI MU UTUMIKI BOMWE BWAKUFUNGUKIRANI — KUYENDA KUKATUMIKIRA KOMWE KUKUFUNIKIRA THANDIZO, NDIPO MUKAMALA BVUNZANI MIBVUNZO IYI:

• Kodi n’ciyani comwe Gabriel adafunika kucinja, ndipo n’ciyani cidamuthandiza?