“Pitirizani Kukhala Tceru”

25:1-12

Napo Jezu adaphatisa basa there la madende khumi pakufuna kulewa bza Akristau wakudzozedwa, koma nfundo yace ingaphatembo basa kwa Akristau wense. (w15-CN 15/3 matsa. 12-16) ‘Na tenepo, pitirizani kukhala tceru, thangwe mun’dziwa lini nsiku ne nthawe yace.’ (Mat 25:13) Onani momwe there la Jezuli linkufotokozedwera.

• Namwali wacimuna (vesi 1)—Ni Jezu

• Madende yakucenjera na yakukonzeka (vesi 2)—Ni Akristau wakudzozedwa wakukhulupirika omwe mbakukonzeka kucita mabasa yawo ndipo iwo ankuyetima ninga mibvuniko, ndipo kuyetimako kun’dzapitiriza mpaka kuphampha (Waf 2:15)

• Fala lomwe lidati: “Namwali ule wafika!” (vesi 6)—Ni cizindikiro cakufika kwa Jezu

• Madende yakupusa (vesi 8)—Ni Akristau wakudzozedwa omwe adayenda kukagumana na Namwali wacimuna koma iwo alibe kukhala tceru ndipo alibembo kupitiriza kukhala wakukhulupirika

• Madende yakucenjera yankulamba kukumbiza mafuta yawo kwa madende yakupusa (vesi 9)—Pambuyo pa cidindo cakumalizira, bzin’dzakwanisika lini kuti Akristau wakukhulupirika athandize Akristau omwe alibe kukhala wakukhulupirika

• ‘Namwali ankufika’ (vesi 10)—Kubwera kwa Jezu kuti adzapereke ciyeruzo kuphampha kwa citsautso cikulu

• Madende yakucenjera yankupita m’nyumba ya malowozi pabodzi na namwali ndipo msuwo unkufungidwa (vesi 10)—Jezu an’dzakokhanisa Akristau Wakudzozedwa wakukhulupirika kudzulu ndipo Akristau wakusaya kukhulupirika an’dzaluza mabaibai yawo yakukakhala kudzulu