Napo kuti Paskwa ikhaimira lini Cikumbuso, pana bzinthu bzinango bzomwe mpsakundendemerana. Mwa ciratizo, mpostolo Paulo adacemera Jezu kuti ‘bira wathu wa Paskwa.’ (1Wak 5:7) Ninga momwe mulopa wa mwana wa bira omwe ukhadapalangidwa m’mbali mwa misuwo ya Ajirayeri udapulumusira moyo, mulopa wa Jezu umbapulumusambo moyo. (Kuf 12:12, 13) Ndipo mafupa ya mwana wa bira wa Paskwa yakhatcoledwa lini. Mpsibodzi-bodzimbo na Jezu, iye alibe kutcoledwa mafupa yace, napo kuti bzimwebzi ndibzo bzikhacitidwa kwa wanthu wakuphedwa mwa njira imweyi.—Kuf 12:46; Ju 19:31-33, 36.