Kukulisa Luso Lathu mu Utumiki​—Phatisani Basa Webisaite Yathu ya JW.ORG

THANGWE RANYI MPSAKUFUNIKA: Bukhu liri-lense mu Bzinthu Bzomwe Timbapfunzisira, lina cizindikiro ca jw.org. Ndipo cakulinga ca kakhadi ka JW.ORG na katsamba kakuti Tingayigumane Kuponi Mitawiro ya Mibvunzo Yakufunika Kwene-kwene pa Moyo Wathu? ni kuthandiza wanthu kupita mu webisaite yathu. Imwepo mungagawire munthu mabukhu yomwe yambacita mbali mu Bzinthu Bzomwe Timbapfunzisira mwa kuphatisa basa webisaite yathu ya jw.org, ndipo mugamutumizire bukhulo pa e-mail ayai kutumiza linki ya bukhulo. Bzimwebzi bzingathandize maka-maka tikakhala tinkupalizira munthu omwe ambalewalewa cirewedwe cinango. Kuthumizira bzimwebzi, nthawe zinango wanthu angabvunze mibvunzo yomwe mitawiro yace imbagumanika m’mabukhu yomwe yambacita lini mbali mu Bzinthu Bzomwe Timbapfunzisira. Tenepo tingaphatise basa webisaite yathu, ndipo tikacita bzimwebzi tin’dzakhala na bzakutewera bzabwino mu utumiki.

MOMWE MUNGACITIRE:

• 

  Phatisani basa mbuto yomwe idanemba kuti “MAPFUNZISO YA M’BIBLIYA”. Tindendemezere kuti munkupalizira m’bereki omwe akufuna kudziwa bzizinji pakulewa bza kupfunzisa wana. Pitani pomwe padanemba kuti MAPFUNZISO YA M’BIBLIYA > MALOWOZI NA BANJA.

• Phatisani basa mbuto yomwe idanemba kuti “MABUKHU”. Tindendemezere kuti munkucita upalizi bwakusaya kulinganizidwa ku xikola ndipo mun’funa kugawira mwanzanu wa kuxikolako broxura lakuti Mitawiro ya Mibvunzo 10 ya Maswaka. Pitani pomwe padanemba kuti MABUKHU > MABUKHU NA MABROXURA.

• Phatisani basa mbuto yomwe idanemba kuti “ZOKHUDZA IFEYO”. Tindendemezere kuti mun’funa kupalizira mwanzanu wakubasa omwe an’funa kudziwa bzomwe timbakhulupira. Pitani pomwe padanemba kuti ZOKHUDZA IFEYO > MAFUNSO OFUNSIDWA KAWIRIKAWIRI OKHUDZA A MBONI ZA YEHOVA.

ONANI VIDIYO YAKUTI PHATISANI BASA WEBISAITE YATHU YA JW.ORG, NDIPO CEZERANANI KOMWE MUNGAGUMANE MITAWIRO MU WEBISAITE YATHU KUTI MUTHANDIZE:

• munthu omwe ambakhulupira lini kuti Mulungu alipo

• munthu omwe agwedwa na ngozi

• mpfumakazi ayai m’bale omwe adadjedjera mwauzimu

• munthu pa ulendo bwakubwereza omwe abvunza komwe timbagumana kobiri kuti zithandizire basa lathu

• munthu wa ku dziko linango omwe an’funa kutsonkhana na gwere la cirewedwe cace