Onani Malango Yakuthandiza pa Moyo Wanu pa JW.ORG

Fala la Mulungu limbatithandiza kukunda mabvuto yomwe timbagumana nayo mu ntsiku zakumalizira na zakunesa zino. (2Ti 3:1, 16, 17) Tsono nthawe zinango tingafunikire kuthandizidwa kuti tigumane nfundo za m’Bibliya zomwe tingaziphatise basa pa nkhani zinango pa moyo wathu. Kodi ndimwe pai ndipo mukufuna malango yomwe yangakuthandizeni kulera wana wanu? Kodi ndimwe mulumbwana ayai mtsikana ndipo bzimbakunesani kukhala wakukhulupirika kwa Yahova? Kodi mudasunama thangwe ra kufedwa mkazi ayai mwamuna wanu? Penu bziri tenepo, imwepo mun’dzagumana nkhani zomwe zina nfundo za m’Bibliya pa jw.org. Nkhani zimwezi zingakuthandizeni kukunda mabvuto yamweya na yanango.  —  Mim 2:3-6.

Mukapita pa jw.org, tinyani pa mbali yakuti MAPFUNZISO YA M’BIBLIYA. (Onani cithunzi-thunzi cakuyamba.) Mbaliyi ikafunguka, sankhulani nkhani yomwe mukufuna. Ayai mungatinye mbali yakuti MBUTO YA MABUKHU > NKHANI ZAKUSIYANA-SIYANA mucisankhula nkhani yomwe mukufuna. (Onani cithunzi-thunzi caciwiri.) Imwepo mungagumanembo nkhani zibodzi-bodzizi mu programa ya JW Library^®.a Imwepo mungawerenge nkhani zomwe mukufuna pa jw.org na pa JW Library^®. Cinthu cinango comwe mungacite ni kufufudza pa mbali yakufufudzira pa jw.org.

Fufudzani nkhani zomwe ziri m’nyantsizi pa mbali yakufufudzira pa jw.org, ndipo werengani nkhani yomwe mukufuna.

• Kulera wana

• Malango yakuthandiza maswaka

• Kufedwa mwamuna ayai mkazi