Nkhani za mu Webisaite

Gumanani Nkhani pa Mbali Yakuyambirira pa Webisaite Yathu

Abale na mpfumakazi zathu ambagumana nkhani zakuthandiza mu utumiki pa webisaite yathu ya jw.org pa mbali yakuyambirira. Nkhanizo zimbakhala zakupusa kucita kuzitumiza pa telefoni ayai pa komputadori, ndipo kawiri-kawiri izo zimbafotokoza momwe mapolofesiya ya m’Bibliya yakukwanisikira ntsiku zino. M’bale munango adalewa kuti nkhani zomwe zimbagumanika pa mbali yakuyambirira “zimbatithandiza kwene-kwene mu utumiki.”

Pakuti nkhani zimwezi zimbakhala zicicinjidwa, n’kuponi komwe imwepo mungagumane nkhani zomwe zikugumanika lini pomwe pa mbali yakuyambirira?

• Pitani pa mbali yakuyambirira pa webisaite yathu ya jw.org ndipo tinyani pomwe padanemba kuti “Mapfunziso ya M’Bibliya.” Ndipo mukamala, tinyani pomwe padanemba kuti “Kutawira Mibvunzo ya M’Bibliya.” Pamwepo munigumana nkhani zizinji zomwe zaikhidwa tsapanopa.

• Pitani pa jw.org ayai pa JW Library^®, pomwe padanemba kuti “Mbuto ya Mabukhu,” patsogolo pace pitani pomwe padanemba kuti “Nkhani Zakusiyana-siyana.” Pamwepa pambalatiza nkhani zizinji zomwe zikhalipo pa mbali yakuyambirira.