Mzimu Wakucena Udatsanulidwa m’Gwere Lacikristau

2:1-8, 14, 37, 38, 41-47

Ajuda azinji omwe akhalipo pa cikondweso ku Jeruzalemu mu Pentekosite 33 EC, akhadacokera ku mitundu yakusiyana-siyana. (Mab 2:9-11) Napo iwo akhambabvera Cakutonga ca Mozeji, koma pinango iwo adakhala ku dziko lacirendo kwa moyo wawo wense. (Jer 44:1) Tenepo, winango akhawoneka lini ninga Ajuda, pakuti kawonekedwe na kalalewedwe kawo kakhali ninga munthu wacirendo sikuti ninga Ajuda. Pakati pa thimu la wanthu wakucokera m’madziko yakusiyana-siyana wanthu 3,000 adabatizidwa. Ninga bzakutewera bzace, wanthu wa mitundu yakusiyana-siyana adadzacita mbali m’gwere lacikristau. Napo kuti akhali wanthu wakusiyana-siyana, iwo ‘akhambatsonkhana pabodzi nsiku zense mu templo mwakuphatana na cakulinga cibodzi.’—Mab 2:46.

Kodi mungalatize tani lufoyi la cadidi kwa . . .

• wanthu wa dziko linango omwe ali mu gawo lanu?

• abale na mpfumakazi wa m’gwere mwanu omwe mba ku dziko linango?