Malani Nthawe Yanu na Wale Omwe Ambafuna Yahova

Thangwe ranyi mpsakufunika kumbamala nthawe yathu na wale omwe ambafuna Yahova? Thangwe wanthu omwe timbasankhula kumala nawo nthawe yathu angatithandize kucita bzinthu bzabwino ayai angaticitise kucita bzinthu bzakuipa. (Mim 13:20) Pa nthawe yomwe Mambo Jehowasi akhambamala nthawe yace na mkulu wa ansembe Jehoyada, akhambacita bzomwe Yahova akhafuna. (2Nkha 24:2) Koma pambuyo pa Jehoyada kufa, Jehowasi adadzasiya kutumikira Yahova thangwe ra axamwali wakuipa omwe adadzakhala nawo.—2Nkha 24:17-19.

M’magole 100 yakuyambirira pomwe Jezu akhadabwera kale, mpostolo Paulo adandendemezera gwere la Cikristau ninga ‘Nyumba ikulu’ na wanthu wa m’gwere ‘ninga bzombo’. Ifepano timbapitiriza kukhala ninga ‘combo cakulemekezeka’, tikambatcenkha kucita uxamwali na munthu ali-wense, omwe napo ni m’bale wa m’gwere, omwe ambacita bzinthu bzomwe bzimbakondwesa lini Yahova. (2Tim 2:20, 21) M’mbuto mwace, tin’funika kupitiriza kumbacita uxamawli na wale omwe ambafuna Yahova acitilimbisa kumutumikira.

ONANI VIDIYO YA MSOLO WAKUTI: MBATCENKHANI KUBVERANA NA WANTHU WAKUIPA, NDIPO MUKAMALA TAWIRANI MIBVUNZO YAKUTEWERAYI:

• Kodi kubverana na wanthu wakuipa kungayambe mwa njira ziponi?

• Mu vidiyo yomwe tawonayi, kodi n’ciyani comwe cathandiza Akristau atatu wale kumalisa uxamwali bwakuipa?

• Kodi ni mitemo iponi ya m’Bibliya yomwe ingakuthandizeni kusankhula axamwali mwa nzeru?