Kodi Imwepo Mumbafuna Kwene-kwene Fala la Mulungu?

Mu Bibliya muna nzeru zakucokera kwa Yahova Mulungu, mweneciro omwe adanemba Bibliyalo. (2Pe 1:20, 21) Bibliya limbabvekesa bwino kuti Yahova ndiye an’themera kutonga. Ndipo an’dzaphatisa basa Umambo bwace kuti asanduse dziko la pansi kukhala paraizo. Ndipopa tensenefe tingadikhirire tsogolo labwino kwene-kwene. Bibliya limbalatiza makhalidwe ya lufoyi ya Baba wathu wakudzulu Yahova.—Psal 86:15.

Ali-wense wa ifepano ana mathangwe yakufunira Fala la Yahova. Kodi ifepano timbalatiza kutenda mphaso yakufunika imweyi mwa kumbawerenga Bibliya nsiku zense na kumbaphatisa basa bzomwe tawerengabzo? Bzicito bzathu bzin’funika kulatiza kuti timbabva ninga momwe m’nembi wa psalimo akhabvera pomwe adati: ‘Ndimbafunadi lamulo lanu!’—Psal 119:97.

ONANI VIDIYO YA MSOLO WAKUTI: IWO AKHALEMEKEZA KWENE-KWENE BIBLIYA—CIPANDE (WILLIAM TYNDALE), NDIPO MUKAMALA TAWIRANI MIBVUNZO YAKUTEWERAYI:

• 

  Thangwe ranyi William Tyndale adasandulizira bzipande bza Bibliya?

• Thangwe ranyi tingalewe kuti nyongo yace yakusandulizira Bibliya ikhali yakudabwisa?

• Kodi makopiya ya Bibliya ya Tyndale yadayendesedwa tani ku Inglaterra mwakabisira?

• Ali-wense wa ifepano angalatize tani kuti ambatenda Fala la Mulungu?