Dziko ‘Lidakhudyula Mkulo’

M’nthawe zakusiyana-siyana mu mbiri ya wanthu, atsogoleri wa boma adathandiza wanthu wa Yahova. (Eza 6: 1-12; Est 8:10-13) Napo m’nthawe zathu zino, timbawona ‘dziko’ lomwe limbaimira mbali za mkonzedwe uno wa bzinthu zinkukhudyula ‘mkulo’ wa mazunzo yomwe yambayambisidwa na ‘cinyoka’, omwe ni Sathani Dyabu. (Cibv 12:16) Mu nthawe zinango, Yahova omwe ni ‘Mulungu omwe ambapulumusa,’ angacose malamulo yakukhazikisidwa na atsogoleri wa maboma kuti apulumuse atumiki wace.—Psal 68:20; Mim 21:1.

Tanimbo imwepo mukaikhidwa m’kawoko thangwe ra cikhulupiro canu? Bzikakucitikirani, lekani kupenukira, Yahova ali namwe. (Ciy 39:21-23; Psal 105:17-20) Khalani na citsimikizo cakuti mun’dzasimbidwa thangwe ra cikhulupiro canu, ndipo mun’dzalimbisambo abale wanu pa dziko lense.—Waf 1:12-14; Cibv 2:10.

ONANI VIDIYO YA MSOLO WAKUTI: ABALE WA KU COREA ANKUCOSEDWA M’MKAWOKO, NDIPO MUKAMALA TAWIRANI MIBVUNZO YAKUTEWERAYI:

• Thangwe ranyi abale wathu bzulu na bzulu ku Corea do Sul akhadaikhidwa m’kawoko?

• Kodi ni malamulo yaponi ya nyumba ya mphala yomwe yadacitisa kuti abale winango acosedwe m’kawoko mwakankulumize?

• Kodi ifepano tingathandize tani abale wathu wa pa dziko lense omwe ali m’kawoko thangwe ra cikhulupiro cawo?

• Kodi ifepano tingaphatise tani basa ufulu bomwe tinabobu?

• Kodi mbani omwe ambacitisa kuti tiwine m’nyumba za mphala?