Abereki, Pfunzisani Wana Wanu kuti Akhale Wanzeru

Ifepano tikukhala mu dziko lomwe wanthu ambalewa kuti bzakuipa ndibzo bzabwino ndipo bzabwino ni bzakuipa. (Zai 5:20) Mpsakupasa ntsisi kuti wanthu azinji ambacita bzinthu bzomwe Yahova ambawenga, kuphatanidzambo kugonana kwa amuna ayai akazi okha-okha. Wana wanu angapumpsidwe na anzawo wa ku xikola ayai wanthu winango kuti acitembo bzinthu bzakuipa. Tsono mungathandize tani wana wanu kuti akwanise kukunda mayezo yamweya?

Pfunzisani wana wanu mitemo ya Yahova. (Mwam 18:3) Pang’ono na pang’ono, apfunziseni bzomwe Bibliya limbalewa pa nkhani ya kugonana. Ndipo apfunzisenimbo mwakubverana na msinkhu wawo na bzomwe iwo angakwanise kubvesesa. (Bzak 6:7) Bzibvunzeni kuti: ‘Kodi ndidauza kale wana wangu bza njira yakuthemera yakulatizirana lufoyi, kubvala mwakuthemera na kufunika kwakuti winango ambawalemekeze? Kodi wana wangu ambadziwa bzomwe an’funika kucita munthu munango akafuna kuwawonesa bzinthu bza maika ayai akawauza kuti acite cinthu comwe Yahova ambaipidwa naco?’ Kudziwiratu bzakucita kungawathandize kutcenkha mabvuto mazinji. (Mim 27:12; Mpal 7:12) Mukambapfunzisa wana wanu, imwepo mumbalatiza lufoyi lanu ku utaka bwakucokera kwa Yahova.—Psal 127:3.

ONANI VIDIYO YA MSOLO WAKUTI MANGANI NYUMBA YOMWE IN’DZAPITIRIZA KUKHALA YAKULIMBA—KHOTCERERANI WANA WANU PA ‘BZINTHU BZAKUIPA,’ NDIPO MUKAMALA BVUNZANI ABVESERI KUTI:

• 

  Thangwe ranyi abereki winango ambazeza kupfunzisa wana wawo nkhani zakulewa bza kugonana?

• 

  Thangwe ranyi mpsakufunika kuti abereki ambalere wana wawo m’malango ‘ya Yahova na kuwapfunzisa kakumbukidwe kace’?

• 

  Kodi gulu la Yahova limbapereka bzinthu bziponi kuti bzithandize abereki kupfunzisa wana wawo nkhani zakulewa bza kugonana?—w19.05 tsa. 12, kwadru

• Thangwe ranyi mpsakufunika kumbaceza kawiri-kawiri na wana wanu pomwe pakanati kuwoneka mabvuto?