Latizani Ntsisi

Ntsisi ni luso lakubvesesa momwe winango akukumbukira, akubvera na kudziwa bzomwe akufuna. Wanthu winango ambadziwa tikakhala tikuwabvera ntsisi. Ifepano tikafunisisa kuthandiza wanthu winango, bzimwebzi bzin’dzaticitisa kuti tiwabvere ntsisi. Tikambalatiza ntsisi timbakhala tikutewezera lufoyi la Yahova na kasamaliridwe kace. Ndipo bzimwebzi bzimbacitisa kuti wanthu afune kumudziwa.—Waf 2:4.

Ntsisi ni luso lini lomwe limbandolatizidwa pakupfunzisa; iro limbalatizidwambo na makhalidwe yathu, momwe timbalewalewera, kaphatisidwe kathu ka manja pakulewalewa na momwe nkhope yathu imbawonekera tikakhala tikulewalewa. Ifepano timbalatiza kuti tina ntsisi tikambakumbukira anzathu, tikambacita thupo na bzomwe iwo ambafuna, bzomwe iwo ambakhulupira na kufuna kudziwa momwe bzinthu bziriri pa moyo wawo. Ifepano timbawathandiza na kuwapfunzisa tsono timbawangingimiza lini kuti acinje. Wanthu omwe timbawapalizira akabvuma kuti tiwathandize, ifepano timbakondwa kwene-kwene.

ONANI VIDIYO YA MSOLO WAKUTI: KHALANI WAKUKONDWA PAKUPFUNZISA WANTHU—KULISANI LUSO LANU—LATIZANI NTSISI, NDIPO MUKAMALA BVUNZANI ABVESERI KUTI:

• 

  Kodi Rita adalatiza tani ntsisi pomwe Duminga akhacedwa?

• 

  Kodi Rita adalatiza tani ntsisi pomwe Duminga adalewa kuti bzingadakwanisika lini kupfunza thangwe rakuti akhadaneta?

• 

  Kodi Rita adalatiza tani ntsisi pomwe Duminga adalewa kuti akhacita lini bzinthu mwakulinganizika?