Phatisani Basa Bzinthu Bzomwe Timbafufudzira

Yahova ambatipasa bzinthu bzomwe bzimbatithandiza kukulisa luso lathu pakupfunzisa. Bzinthubzi bzimbaphatanidzambo mavidiyo, tumatsamba, marevista, mabroxura, mabukhu, na Bibliya lomwe ni cinthu cakufunika kwene-kwene comwe timbaciphatisa basa. (2Tim 3:16) Ndipo iye ambatipasambo bzinthu bzakufufudzira bzomwe bzimbatithandiza kubvekesa bzinembo. Bzinthubzi bzimbaphatanidza Watchtower Library, aplicativo ya JW Library^®, Biblioteka ya pa Interneti ya Watchtower na Bukhu Lakufufudzira la Mboni za Yahova.

Imwepo mun’dzakondwa kwene-kwene mukambaphatisa basa bzinthu bzentse bzomwe bziripobzi. Mpsakufunika kumbathandizambo nyakupfunza wanu kuwona momwe angabziphatisire basa. Ndipo bzin’dzawathandizambo kugumana mitawiro ya mibvunzo yakulewa bza Bibliya yomwe angakhale nayo.

ONANI VIDIYO YA MSOLO WAKUTI KHALANI WAKUKONDWA PAKUPFUNZISA WANTHU—BVUMANI THANDIZO LA YAHOVA—PAKUPHATISA BASA BZINTHU BZOMWE TIMBAFUFUDZIRA, MUKAMALA BVUNZANI ABVESERI KUTI:

• 

  Kodi Duminga akhalewa ciyani pa nkhani ya cirengedwe?

• 

  Kodi Rita afufudza mwakuphatisa basa ciyani kuti akwanise kukatawira Duminga?

• 

  Kodi Rita acita tani kuti akwanise kuwona nkhani yomwe ingadathandiza Duminga?

• Kodi Rita abva tani thangwe ra kuphatisa basa bzinthu bzomwe timbapfunzisira?