BZIPEREKENI MU UTUMIKI BWAKUMUNDA | MBAKONDWANI KWENE-KWENE MU UTUMIKI
Thandizani Anyakupfunza Wanu wa Bibliya Kukulisa Uxamwali Bwawo na Yahova
Yahova ambafuna kuti timutumikire thangwe ra lufoyi lomwe tinalo kuna iye. (Mat 22:37, 38) Lufoyi lomwe anyakupfunza wa Bibliya analo kuna Mulungu ndiro lomwe lin’dzawathandiza kucinja bzinthu pa moyo wawo na kuti apitirize kukhala wakulimbika akagumana na mabvuto. (1Ju 5:3) Lufoyi lomwe iwo analo kuna iye ndiro lomwe lin’dzawacitisa kuti abatizidwe.
Thandizani anyakupfunza wanu kuwona lufoyi lomwe Mulungu analo kuna iwo. Mbawacitani mibvunzo ninga iyi: “Kodi bzimwebzi bzikukupfunzisani ciyani pakulewa bza Yahova?” ayai “Kodi bzimwebzi bzikulatiza tani lufoyi la Mulungu kuna imwepo?” Thandizani anyakupfunza wanuwo kuwona momwe Yahova ambawathandizira pawokha. (2Nkha 16:9) Auzeni momwe Yahova adatawirira mipembo yanu pa nthawe inango, ndipo alimbikiseni kuti awone momwe Yahova akutawirirambo mipembo yawo. Bzimbakondwesa kwene-kwene kuwona lufoyi la anyakupfunza wathu likuthimizirika kuna Yahova ndipo akukhala naye pa uxamwali bwakulimba.
ONANI VIDIYO YA MSOLO WAKUTI THANDIZANI ANYAKUPFUNZA WANU WA BIBLIYA KUKHALA PA UXAMWALI BWAKULIMBA NA YAHOVA, MUKAMALA BVUNZANI ABVESERI KUTI:
Kodi ni bvuto liponi lomwe Duminga adagumana nalo?
Kodi Rita adathandiza tani Duminga?
Kodi Duminga adakwanisa tani kukunda bvuto lace?