Momwe Tingaphatisire Basa Bziratizo bza Upalizi

Abale ambamala nthawe ikulu akukonzekera bziratizo bza upalizi, ndipo azinji ambawona kuti bziratizobzo bzimbawathandiza kwene-kwene mu upalizi. Tsono, pakuti wanthu mbakusiyana pa dziko la pantsi, apalizi ana ufulu bwa kuphatisa basa nkhani ayai ciratizo comwe akuwona kuti cingathandize wanthu wa komwe iwo ambakhala mu utumiki. Kulewa cadidi, tentsenefe tin’funika kuphatisa basa malango yomwe tingapasidwe pa kampanya. Cakulinga cathu ndico kucita bzomwe Jezu adatiuza kuti ticite, komwe ni kupalizira mafala yabwino ya Umambo. — Mat 24:14.

Apalizi akapasidwa mbali ya nyakupfunza, iwo an’funika kucezerana ciratizo ca upalizi comwe ciri mu Kabukhu ka Mitsonkhano ka Moyo na Utumiki. Tsono pa mbali ya nyakupfunza pakasaya kulatiza komwe kwacokera nkhaniyo, iwo ana ufulu bwa kuphatisa basa mbvunzo unango, cinembo cinango ayai nkhani yomwe ingakhale yakuthandiza kwa wanthu wa mphimpha yawo. Nkhaniyi ikucinja malango yomwe tidapasidwa mu kabukhu ka mitsonkhano ka mwezi wa Junho 2020 tsamba 8.