CUMA CA M’FALA LA MULUNGU

Sankhulani Mwanzeru Munthu Omwe Mungalowolane Naye

Salomau adacita bzinthu mwakusaya nzeru mwa kulowola akazi omwe akhanamata mirungu yakunama (1Wam 11:1, 2; w18.07 tsa. 16 ndi. 7)

Azikazi omwe Salomau adalowola adacitisa kuti iye pang’ono na pang’ono asiye kutumikira Yahova (1Wam 11:3-6; w19.01 matsa. 15-16 ndi. 6)

Yahova adakalipa na bzomwe Salomau adacita (1Wam 11:9, 10; w18.07 matsa. 17-18 ndi. 9)

Bzithunzi-thunzi: Mpfumakazi yomwe ikanati kulowodwa ikucita pfunziro la payokha ndipo ikukumbukira bza m’bale omwe akanati kulowola. 1. M’bale akutawira pa mitsonkhano ya gwere. 2. Iye akucita upalizi bwa kangolo. 3. Iye akuthandizira kukonza bzinthu bzomwe bzadzongeka pa Nyumba ya Umambo.

Fala la Mulungu limbalewa kuti Akristau omwe an’funa kulowola ayai kulowodwa acite bzimwebzi “kokha mwa Mbuya.” (1Ak 7:39) Tsono kubatizidwa kokha kumbacitisa lini munthu kukhaliratu mwamuna ayai mkazi wabwino. Bzibvunzeni kuti: ‘Kodi iye an’dzandithandiza kupitiriza kutumikira Yahova na mtima wentse? Kodi amala magole mangasi akutumikira Yahova?’ Pomwe mukanati kubvuma kucita malowozi, khalani na nthawe ya kumudziwa bwino mwanzanuyo.