Kodi Mukuphatisa Bwino Basa Maaudiyo ya Mabukhu ya m’Bibliya?

Kodi maaudiyo ya mabukhu ya m’Bibliya n’ciyani? Maaudiyo ya mabukhu ya m’Bibliya ni gravação za mu Bibliya Lakusanduliziridwa la Dziko Lipsa. Maaudiyo yamweya yakukonzedwa pang’ono-pang’ono ndipo yakugumanika kale mu bzirewedwe bzizinji. Cinthu cakudekeza kwene-kwene pa maaudiyo yamweya n’cakuti pambakhala kucinja-cinja mafala mwakubverana na munthu omwe akulalewayo. Mafalayo yambawerengedwa bwino kuti yabvekese nfundo yomwe ikulewedwa.

Kodi ni phindu liponi lomwe wanthu ambagumana na maaudiyoya? Wanthu azinji omwe ambatetekera maaudiyo yamweya ambakomedwa nayo thangwe yambacitisa kuti mafala ya m’Bibliya yabveseseke bwino. Iwo ambawona kuti kucinja-cinja mafalaku kumbawathandiza kuti ambakhale ninga akuwona bzomwe akubvabzo bzikucitika. (Mim 4:5) Ndipo wanthu winango ambawona kuti maaudiyo ya m’Bibliya yambawatsangalaza akakhala adasunama. — Sl 94:19.

Kubva maaudiyo ya kuwerengedwa kwa Fala la Mulungu kungatithandize pa moyo wathu. (2Nkha 34:19-21) Penu maaudiyo ya mabukhu ya m’Bibliya yalipo mu cirewedwe comwe mumbabva, kodi mungacite makonzedwe yakuti mumbayabve ntsiku iri-yentse?

ONANI VIDIYO YA MSOLO WAKUTI KUKONZEDWA KWA MAAUDIYO YA MABUKHU YA M’BIBLIYA — CIPANDE, MUKAMALA BVUNZANI ABVESERI KUTI:

N’ciyani cimbakudekerani na kakonzedwe ka maaudiyo ya mabukhu ya m’Bibliya?