Imwepo Mungathandizire Kuti Banja Lanu Likhale Lakukondwa

Yahova ambafuna kuti mabanja yakhale yakukondwa. (Sl 127:3-5; Mpal 9:9; 11:9) Tsono, mabvuto ya m’dzikoli pabodzi na bzakuphonya bza wanthu wa m’banja lathu bzingatitazise kukhala wakukondwa. Kodi n’ciyani comwe munthu ali-wentse angacite kuti athandizire kuti banja likhale lakukondwa?

Mwamuna ambalemekeza mkazace. (1Pe 3:7) Iye ambakhala na nthawe yakuceza na mkazace. Iye ambadikhirira lini kuti mkazace acite bzinthu bzomwe angakwanise lini kucita ndipo ambamutenda pa bzomwe iye ambamucitira na bzomwe ambacitira banja lawo. (Ako 3:15) Iye ambamulatiza lufoyi ndipo ambamutenda. — Mim 31:28, 31.

Mkazi ambathandiza mwamuna wace. (Mim 31:12) Iye ambamubvera ndipo ambacita bzomwe iye ambalewa. (Ako 3:18) Mkaziyo ambalewalewa naye bwino mwamuna wace ndipo ambalewambo bzinthu bzabwino pakakhala pana wanthu. — Mim 31:26.

Abereki ambakhala na nthawe yakuceza na wana wawo. (Bzak 6:6, 7) Iwo ambawauza wana wawowo kuti ambawafuna. (Mat 3:17) Iwo ambalatiza lufoyi na nzeru pa kuwapfunzisa. — Aef 6:4.

Wana ambalemekeza na kubvera abereki wawo. (Mim 23:22) Iwo ambauza abereki wawo bzomwe akukumbuka. Iwo ambalemekeza na kubvuma cirango comwe abereki wawo angawapase. — Mim 19:20.

ONANI VIDIYO YA MSOLO WAKUTI KHALANI NA CIKONDWESO M’BANJA, MUKAMALA BVUNZANI ABVESERI KUTI:

Kodi n’ciyani comwe ali-wentse wa m’banjali akhacita kuti m’banjamo mupitirize kukhala na mtendere?