Kodi Mun’dzacitanyi pa Nsiku za Feriado?

Pakuti wanthu wazinji wambakhala pa mui pa nsiku za feriado za cipembedzo na za dziko, nsiku zimwezi n’zabwino kuti ticoke mu utumiki. Magwere yankulimbisidwa kucita makonzedwe yakupambulika kuti yakapalizire pa nsiku za feriado. Penu wazinji m’gawomo wambacedwa kumuka mwakusiyana na nsiku zinango, bzingakhale bwino kucinja nthawe ya mtsonkhano wa utumiki bwa kumunda. Pa Mtsonkhano wa Basa, gwere lingadziwisidwe bza makonzedwe ya kupalizira pa nsiku ya feriado, wacilimbisidwa wense kudzayenda mu utumikibo. N’cadidi kuti nsiku za feriado zimbatipasa nthawe za kupuma na kusamalira bzinthu bzathu. Tsono thangwe ranyi tin’sayambo kusunga cipande ca nsikuyo kuti tikapalizire? Tenepo tin’dzakondwa kutsitsimulidwa thangwe ra kucita basa lakupambulikali.—Mateu 11:29, 30.