KUKHALA NA MOYO WACIKRISTAU
Kodi ni Cinthu Ciponi Comwe n’Cakufunika Kwene-kwene kwa Inepano?
Djakobo adalimbana na anjo thangwe ra cinthu cakufunika kwene-kwene comwe ni cisimbo ca Yahova. (Ciy 32:24-31; Oze 12:3, 4) Tanimbo ifepano? Kodi tinkucitambo nyongo yakubvera Yahova kuti titambire bzisimbo? Mwa ciratizo, kuyenda ku mitsonkhano na kuphata basa nthawe yakuthumizirika kubasa, kodi imwepo mungasankhule ciyani? Tikambaphatisa basa nthawe yathu, mphanvu yathu na bzinthu bzathu pakutumikira Yahova, iye an’dzatitsanulira bzisimbo bzomwe tin’dzasaya pakubzitambirira. (Malak 3:10) Yahovayo an’dzatitsogolera, kutikhotcerera na kutisamalira.—Mat 6:33; Waheb 13:5.
ONANI VIDIYO YA MSOLO WAKUTI PITIRIZANI KUKHALA NA BZAKULINGA BZAUZIMU, NDIPO MUKAMALA TAWIRANI MIBVUNZO YAKUTEWERAYI:
Kodi mpfumakazi ire idayezedwa tani na cinthu comwe ikhacifuna kwene-kwene?
Kodi tingayezedwe na basa lathu mwa njira iponi?
Thangwe ranyi Timotio akhafunika kupitiriza kukhala na bzakulinga bzauzimu napo iye akhali kale Mkristau wakukhwima? —1Tim 4:16
Kodi cinthu cakufunika kwene-kwene pa moyo wanu n’ciponi?
Kodi tingalatize tani kuti ndiponi basa lakufunika kwene-kwene pa moyo wathu?