PFUNZIRO 13

Kubvekesa Phindu la Nkhani

Mimwani 3:21

BZOMWE MUNGACITE: Thandizani abveseri wanu kuwona momwe angagumanire phindu na nkhani yanuyo, muciwalatizambo bzomwe an’funika kucita na bzomwe ankupfunzabzo.

MOMWE MUNGACITIRE:

Mbakumbukirani abveseri wanu. Kumbukirani kuti thangwe ranyi abveseri wanuwo ankufunikira kubva nkhaniyo, ndipo zindikirani nfundo zomwe n’zakuthandiza maka-maka kwa iwo.
Pomwe munkufotokoza nkhani yanu, mbawalatizani abveseriwo bzomwe an’funikira kucita. Mukandoyamba kufotokoza nkhani yanu, mbveseri ali-wense an’funika kuzindikira kuti nkhaniyo inimuthandiza. Pakufotokoza nfundo ikulu iri-yense, latizani momwe mbveseri ali-wense payekha angaiphatisire basa.

Fotokozani mwakudeka mtima momwe abveseriwo angaphatisire basa mitemo ya m’Bibliya. M’mbuto mwakuwatsutsa, limbisani lufoyi na cikhulupiro cawo, mucimbakhulupira kuti iwo an’dzaphatisa basa bzomwe ankupfunzabzo.