Kuwerenga Bwino

1 Timotio 4:13

BZOMWE MUNGACITE: Werengani mwakukuwa ndendende ninga momwe bzidanembedwera.

MOMWE MUNGACITIRE:

• Konzekerani bwino. Kumbukirani thangwe lomwe lidacitisa kuti nkhaniyo inembedwe. Mbawerengani magulu ya mafala, m’mbuto mwa kuwerenga fala libodzi-libodzi pa lokha. Samalani kuti muleke kuthumizira, kumoga ayai kucinjanisa mafala. Ndipo mbalemekezani bzizindikiro bzense bza kanembedwe.

• Werengani fala liri-lense ninga momwe lidanembedwera. Penu mun’dziwa lini momwe mungawerengere mafala manango, bveserani audio ya mabukhu yathu, ayai kumbirani munthu omwe ambawerenga bwino kuti akuthandizeni.

• Lewalewani mwakubveka bwino. Mbalewani mafala yense mwakusamala, ndipo mbadzusani msolo, mucifungulambo bwino mulomo wanu. Mbacitani nyongo yakubvekesa bwino sílaba iri-yense.