PFUNZIRO 20

Kumaliza Nkhani Mwakuphata Mtima

Mpalizi 12:13, 14

BZOMWE MUNGACITE: Pomwe munkumaliza nkhani yanu, limbisani abveseri wanu kuti akhulupire bzomwe apfunzabzo, acibziphatisa basa.

Bveranisani mafala yanu yakumalizira na nfundo ikulu ya nkhaniyo. Bwerezerani nfundo zikulu-zikulu na msolo wa nkhaniyo.
Alimbiseni abveseri wanu. Latizani bzomwe abveseri wanuwo an’funika kucita, pabodzi na mathangwe yakucitira bzimwebzo. Lewalewani mwakutsimikiza.
Mafala yanu yakumalizira yakhale yakucepa na yakusaya kunesa kubvesesa. Lekani kufotokoza nfundo zipsa. Bzikafunika, mafala yakhale yakucepa, yacilimbisa abveseriwo kuphatisa basa bzomwe apfunzabzo.

Pomwe munkulewa mafala yakumaliza ya nkhani yanu, lekani kulewalewa mwakuthamanga kwene-kwene, ayai kulewalewa pang’ono-pang’ono mpaka fala lanu kuleka kubveka. Koma bzin’funika kumbabveka kuti nkhani yanu inkuyenda kamala.