‘Umambo Bwanu Bubwere’ MPEMBO OMWE WANTHU AZINJI AMBAUCITA MWAKUBWEREZA-BWEREZA
Kodi imwepo mudapemba kale kuti Umambo bwa Mulungu bubwere? Kwa magole mazinji, wanthu azinji ambapemba mwakubwereza-bwereza kuti: ‘Umambo bwanu bubwere.’ Thangwe ranyi iwo ambapemba mwa njira imweyi? Thangwe Jezu adauza ateweri wace kuti ambapembe kuti Umambo bwa Mulungu bubwere.
Pakuyamba, ateweri wa Jezu akhabvesesa lini bzentse bzomwe iye akhapfunzisa pakulewa bza Umambo. Ntsiku inango iwo adabvunza Jezuyo kuti: ‘Mbuya, kodi mun’khazikisa Umambo kwa Jirayeri m’nthawe imweyinoletu?’ Iwo adadabwa pomwe Jezu alibe kuwauza nthawe yomwe Umambo bwa Mulungu bungadadzabwera. (Mabasa 1:6, 7) Kodi bzimwebzi bzikuthandauza kuti tingakwanise lini kubvesesa bza Umambo bwa Mulungu ne nthawe yomwe bun’dzabwera? Ndibzo lini!
Revistayi inkuthandizani kugumana mitawiro ya mibvunzo yomwe iri pa nyantsiyi:
Thangwe ranyi tikufunikira Umambo bwa Mulungu?
Kodi Mtongi wa Umambo bwa Mulungu ni mbani?
Kodi ni lini pomwe Umambo bwa Mulungu bun’dzatonga dziko la pantsi?
Kodi Umambo bwa Mulungu bun’dzacita ciyani kutsogolo?
Thangwe ranyi tin’funika kuthandizira Umambo bwa Mulungu kuyambira tsapanopapa?
Kodi Umambo bwa Mulungu n’Ciyani?