Doo Kɔ O Enɔānu Nyɔɔ Oloo A Dɔbiī A Nɛ

NU ANUA ALU EBƐƐ̄: Nɔnɔ Muɛ̄ Ue Bari nyɔɔ i loo yerebah i nɛ lo esuā ‘bɛɛabu, nyɔɔnyɔɔ, gānyɔɔ, le kɛ̄ a kiikɛ̄’ loo kaka ue. (Ɛfɛs 3:18) A yere nage bah i nɛ kɔ i lu pya nɛɛ ue naa bee le pya nɛɛ kpu naale loo bu nyɔuwe pɔrɔ eeloo bu ama, le lo “e’aa ue dum agɛrɛ.” (Fil 2:15, 16) Nɔnɔ Muɛ̄ Ue Bari nyɔɔ i loo doo kɔ i dap sagɛ pya nu i si ee. E na i dap doo lokwa i enɔānu Baibol i dɔbiī nɛ ani?

KƐ̄ EDOO DOO:

• Kuura nu kɛɛ̄ sa ɛm nu loo pya kɛ̄ o buū sɔ̄ o gaa nɔnu nyɔɔ oloo ale bu o ekpo Baibol o wee su nɔānu ale lo a le bu o fon

• Sɔ̄ o gaa buū Muɛ̄ Ue Bari, bip aba ɔɔ kɔ: ‘Mɛɛ̄? E? Mɛ Sɔ̄? Mɛ Kɛ̄? Ena anua a? Bu mɛ sīdee?’

• Suā dɛ̄dɛɛ̄ nu akiiloo. Gbītɛ̄ keekee ekobee ue le keekee dɔ Baibol

• Ɛrɛ ekɛɛrɛ nyɔɔ nu o buū sa muɛ̄ kɛ̄ a bɔloo kɔ o su yere bu o dum

• Su nu o nɔ yere bu o dum ziī ziī biradee.—Luk 6:47, 48

SI EE VIDIO A KURA “AA UE DUM AGƐRƐ”—TƐ̄MALOO NƆNU NYƆƆ OLOO, LƐƐ BUI AGARA PYA EBIP A NYƆƆNƐ AMA:

• Bu mɛ sīdee na pio nɛɛ baatɛ̄ nu nɔnu nyɔɔ oloo lu a?

• E na anua i yere kara lɛɛ i gae bɔātɛ̄ enɔnu nyɔɔ i loo a?

• E na edap i yerebah nɛ kɔ i dābeeloo ziī dɔ Baibol leere a?

• Mɛ dua nukuādɛɛ̄ na i dap yere bu Baibol i wee su nɔā nu a?

• E na anua ɛrɛ ekɛɛrɛ lu ebɛɛ̄ sɔ̄ i gaa nɔ Muɛ̄ Ue Bari a?

• E na i su nu i enɔā daā ani?