OBỌRẸ 3

Marhẹ Akpọ-enyerẹn Uvuẹn i Paradais Ọ Havwọ?

Jehova ọyẹ Adam rhẹ Iv ekwakwa irhorhomu buebun. Jẹnẹsis 1:28

Ọke ri Jehova ọ ma Iv hin, nọ hariẹ rẹn Adam

Jehova ọ mẹ ọmasẹ ọrẹ ukaro Iv, nọ hariẹ rẹn Adam no rhiẹ aniẹ.—Jẹnẹsis 2:21, 22.

Rẹ i Jehova ọ ma aye, nọ yẹ raye oghwa-iroro rhẹ ugboma obọdẹn.

Adam ọrhẹ Iv re ni Paradais ro rhiẹ oghwa aye

Ogba Idẹn i Paradais na, ọyẹ oghwa aye. Ọran ekete rhorhomu dẹn ro vwẹ urhie habẹ erhan ra mẹ-emamọ kugbẹ eramo.

Jehova ọ tẹmro raye. O yoni raye. Aye erha kerhọ ye, aye ni ne nyerien bẹmẹdẹ uvuẹn i Paradais otọrakpọ na.

Osolobrugwẹ ọ ta raye taghene aye evwa riẹ emamọ orhan owu-u. Jẹnẹsis 2:16, 17

Orhan rọ ha uvuẹn erhẹrhẹ ogba na ri Jehova ọ ta rẹn Adam ọrhẹ Iv taghene aye i vwa re na-a

Jehova odjẹ orhan owu rọ mẹ-emamọ rẹn Adam rhẹ Iv, nọ ta harẹn aye taghenẹ aye rha riẹ omamọ orhan na, aye ine hwuo.

Ọmakashe ro rhiẹ ọvwọkon, Echu ro rhiẹ i Dẹbolo, ọ nyoma obodirin phiẹn Iv rhọ

Owu usuẹn emakashe na nọ kpare hasuẹ Osolobrugwẹ. Ọvwọkon amakashe na ọyẹ Echu, Idẹbolo na.

Echu ọguọlọ taghene Adam rhẹ Iv e hẹ uvwele i Jehova-a. Fọkiẹ ọrana, nọ hẹ obodinrin tẹ ẹmro rẹn Iv taghenẹ ọrhọ riẹ omamọ orhan na, o hwuẹ-ẹ, ọnọ họhẹ Osolobrugwẹ. Ọrẹn ọrana ofian—Jẹnẹsis 3:1-5.